بۇل تۋرالى وبلىسى اكىمى اماندىق باتالوۆتىڭ توراعالىعىمەن وتكەن سەلەكتورلىق وتىرىستا ايتىلدى. ايماقتاعى احۋال جايىندا ەسەپ بەرگەن وبلىس اكىمىنىڭ ورىنباسارى سەرىكجان بەسكەمپىروۆ الەۋمەتتىك ماڭىزى بار ازىق-ت ۇلىك ونىمدەرىنە مونيتورينگ جۇرگىزۋ جانە باعانى ۇستاپ تۇرۋ بويىنشا جۇمىستار جۇرگىزىلىپ جاتقانىن ايتتى. بۇل ماقساتتا وبلىستا قاجەتتى رەزەرۆ بار, قاجەتتى ازىق-ت ۇلىكپەن قامتۋ ءۇشىن اۋىلشارۋاشىلىعى جارمەڭكەلەرى وتكىپ جاتىر. ساۋدا ورىندارىندا دا تۇرعىندار ساتىپ الاتىن قاجەتتى زاتتار قورى جەتكىلىكتى. وسىعان قاراماستان بىرقاتار اۋدانداردا كوكونىس پەن جەمىس-جيدەك تۇرلەرىنە جانە ۇن, جارما ونىمدەرىنىڭ باعاسىنا زەردەلەۋ جۇمىسى جاسالماعان. ناتيجەسىندە, الىپ-ساتارلار اراسىندا باعانى زاڭسىز كوتەرۋ فاكتىلەرى ورىن العان ەكەن.
سەلەكتورلىق جيىندا وبلىس اكىمى اماندىق باتالوۆ بارلىق اۋدان بويىنشا ازىق-ت ۇلىك باعاسىنا باقىلاۋدى كۇشەيتۋدى تاپسىرىپ, شاعىن جانە ورتا بيزنەسكە قولداۋ كورسەتۋ جولدارىن ناقتىلادى. قازىر ايماقتا مەملەكەت باسشىسى قاسىم-جومارت توقاەۆتىڭ تاپسىرماسىنا سايكەس, ەپيدەميولوگيالىق جاعدايعا بايلانىستى ۋاقىتشا پايدالانىلمايتىن الاڭنىڭ جالداۋ اقىسىن كەيىنگە قالدىرۋ نەمەسە تولىقتاي الىپ تاستاۋ ۇشىن كەلىسسوزدەر جۇرگىزۋ باستالدى.
الماتى وبلىسى
