ايماقتار • 25 ناۋرىز، 2020

تالدىقورعانعا كىرىپ-شىققان 46 128 ادام تەكسەرۋدەن ءوتتى

31 رەتكورسەتىلدى

الماتى وبلىسى اۋماعىندا 1 تۇرعىننان كوروناۆيرۋس بەلگىسى انىقتالعان بولاتىن. قازىر قاسكەلەڭ قالاسىنداعى جۇقپالى اۋرۋلار ەمحاناسىندا وقشاۋلانعان ناۋقاستىڭ جاعدايى تۇراقتى. ونىمەن بايلانىستا بولعان 11 ادام دا دارىگەردىڭ باقىلاۋىندا.

بۇگىندە وبلىس اۋماعىندا ىندەتپەن كۇرەس جۇمىسى كۇشەيتىلگەن. الماتى قالاسىمەن شەكارالاس اۋداندارعا كىرەتىن جولداردا قوسىمشا وتكىزۋ باقىلاۋ بەكەتەرى قويىلدى. وسىنداي ساقتىق شارالارى وبلىس ورتالىعى تالدىقورعان قالاسىنىڭ اۋماعىنا دا قولعا الىندى. قالاعا كىرەتىن 4 باعىتتاعى جول بويىندا سانيتارلىق باقىلاۋ بەكەتتەرى جۇمىس ىستەۋدە. بۇگىنگە دەيىن قالاعا كىرگەن 18340 اۆتوكولىك تەكسەرۋدەن وتكەن. ال وبلىس ورتالىعىنا 46 128 ادام كىرىپ-شىققان ەكەن.

سانيتارلىق باقىلاۋ بەكەتتەرىندە مەديتسينا قىزمەتكەرلەرى جولاۋشىلاردىڭ دەنە قىزۋىن تەكسەرۋدە. ارنايى قۇرىلىعى ادام بويىنداعى قالىپتى تەمپەراتۋرانىڭ جوعارىلاعانىن كورسەتسە، جولاۋشىعا بەكەتتەن وتۋگە تيىم سالىنادى. كەشەدەن بەرى تەكسەرۋدەن وتكەن ادامداردىڭ اراسىنان دەنە قىزۋى انىقتالعان  27 جولاۋشى كەرى قايتارىلىپ، ولارعا تىركەلگەن مەكەن جايى بويىنشا دارىگەرگە قارالۋعا كەڭەس بەرىلىپتى.

- وبلىس اۋماعىندا ىندەت بەلگىسى تابىلعاندىقتان، باقىلاۋ شاراسى كۇشەيتىلدى. قازىر الماتى قالاسىنان وبلىسقا شىعاتىن جولدار جوبىلدى، وبلىس تاراپىنان دا قوسىمشا سانيتارلىق باقىلاۋ بەكەتتەرى قويىلعان. وبلىس ورتالىعىنا كىرەبەرىسكە دە 4 جەردەن سانيتارلىق بەكەت قويىلدى. تالدىقورعان قالاسى بويىنشا ىندەت جۇقتىرۋ دەرەگى تىركەلگەن جوق، - دەيدى وبلىس اكىمىنىڭ ءباسپاسوز حاتشىسى عالىمۇرات جۇكەل.

 

 

الماتى وبلىسى

 

سوڭعى جاڭالىقتار

ىستىق تاماق تاراتتى

قازاقستان • كەشە

ۇقساس جاڭالىقتار