الماتى پوليتسيا دەپارتامەنتى توتەنشە جاعداي ءتارتىبىن بۇزعان ازاماتتارعا اكىمشىلىك جازا قولدانۋدى باستاعانى بەلگىلى.
سوڭعى كۇندەرى بلوك-پوستتاردى اينالىپ ءوتىپ, مەگاپوليسكە الىپ كىرەتىن جاسىرىن جولدار جابىلىپ, باقىلاۋ كۇشەيدى.
جالپى قالا اكىمدىگى كوروناۆيرۋستىق ينفەكتسيانىڭ تارالۋىنا جول بەرمەۋ ءۇشىن بارلىق ءتيىستى جۇمىستاردى جالعاستىرىپ وتىر.
كارانتيندى ەنگىزۋ تۋرالى شەشىمنەن كەيىن 27 بلوك-بەكەتتە كۇش قۇرىلىمدارى مەن مەديتسينالىق ۇيىم قىزمەتكەرلەرىنىڭ جۇمىسى جانداندى.
سونداي-اق قالادا دەزينفەكتسيالىق ءىس-شارالار جۇرگىزىلۋدە. ماقسات – كوروناۆيرۋس ىندەتىنىڭ تارالۋ تىزبەگىن جويۋ. ءوز كەزەگىندە قالا بيلىگى قالا تۇرعىندارىن كارانتين رەجيمىن قاتاڭ ساقتاۋعا جانە اركىمدى مۇمكىندىگىنشە وقشاۋلانۋىنا شاقىردى.
