بۇگىندە جالپى اۋدان بويىنشا 21128 گەكتار جەرگە 3150 توننا بيداي سەبىلگەن. ونىڭ 4600 گەكتارىنا جازدىق ارپا, 1000 گەكتار سۋارمالى جەرىنە ماقسارى, 40 گەكتارىنا كارتوپ, 230 گەكتارىنا كوكونىس, 300 گەكتارىنا باۋ-باقشا, 4798 گەكتارىنا جالپى كوپجىلدىق جوڭىشقا ەگىلەدى.
مۇنىڭ 860 گەكتارى بيىل ەگىلەءتىن بولسا, 1487 گەكتار جەر جاڭارتىلىپ, دەمالدىرىلۋدا. سونىمەن قاتار, جامبىل وبلىسىندا قارقىن العان ءوڭىر تۇرعىندارىنىڭ تۇرمىستىق تابىسىن ارتتىرۋعا ارنالعان پيلوتتىق جوبا اياسىندا سارىسۋ اۋدانىندا مال ءوسىرۋ, ەگىستىك ەگۋ جوسپارلانعان. اۋىل تۇرعىندارىنىڭ ءال-اۋقاتىن ارتتىرۋعا باعىتتالعان پيلوتتىق جوبا بويىنشا بۇگىندە اۋداندا 275 ادام 752 ميلليون تەڭگە كولەمىندە نەسيە العان.
اتالعان پيلوتتىق جوبا اياسىندا «ساۋداكەنت-2019» كووپەراتيۆىنىڭ توراعاسى بەگايدار ايتباەۆ 19 ميلليون 600 مىڭ تەڭگە نەسيە الىپ, ەگىستىكپەن اينالىسۋدا. «سۋارمالى 50 گەكتار جەرگە جوڭىشقا, 15 گەكتارىنا سۇرلەمدىك, 15 گەكتارىنا داندىك جۇگەرى سەبەمىن. بۇل ورايدا ساۋداكەنت اۋىلىندا دا 20-25 ادامدى ماۋسىمدىق جۇمىسپەن قامتۋعامۇمكىندىگىمىز بار», دەيدى بەگايدار ايتباەۆ.
سول سياقتى تۇركىستان اۋىلدىق وكرۋگى دە بۇگىندە «كوسەگەنىڭ كوك جونىنان» بولىنگەن 315 گەكتار جەردى جىرتۋدى باستاپ كەتتى. قازىرگى كەزدە 50 گەكتاردان استام جەر جىرتىلعان. سونىمەن قاتار, قاجەتتى جۇمىسقا جەرگىلىكتى تۇرعىندار تارتىلۋدا. قازىردىڭ وزىندە ارقايسىسى جۇمىس باعىتىنا قاراي 60-80 مىڭ تەڭگە ارالىعىندا ايلىق الادى ەكەن.
جامبىل وبلىسى
