ونىڭ بارىسىندا 6 ءدامحانا يەسى توتەنشە جاعداي رەجيمىنە قاراماستان تۇنگى ۋاقىتتا جۇمىستارىن جالعاستىرعانى انىقتالدى. بەس دەرەك وبلىس ورتالىعىندا انىقتالسا, بىرەۋى جاڭاقورعان اۋدانىندا ورىن العان. وسىعان بايلانىستى كاسىپكەرلەرگە قر اقبتك-ءنىڭ 476-بابى بويىنشا اكىمشىلىك حاتتامالار تولتىرىلىپ, جيناقتالعان قۇجاتتار سوتقا جولداندى.
توتەنشە جاعداي تالاپتارىنا سايكەس ءىرى ساۋدا نىساندارى 10.00-دەن 18.00, كيىم-كەشەك بازارلارى 11.00-دەن 17.00-گە دەيىن عانا اشىق بولادى. ءدامحانا مەن مەيرامحانالارعا كەلۋشىلەردىڭ سانى 50 ادامنان اسپاۋى كەرەك جانە جۇمىسى 22.00-دە توقتاۋى ءتيىس.
اتالعان شەكتەۋلەردى ورىنداماعانى ءۇشىن كافەلەر مەن مەيرامحانا اكىمشىلىگىنە قر اقبتك-ءنىڭ 476-بابى بويىنشا 10 اەك ايىپپۇل سالىنادى نەمەسە 15 تاۋلىككە قاماۋ جازاسى قولدانىلادى.
توتەنشە جاعداي رەجيمى كەزىندەگى تالاپتارىنىڭ ساقتالۋىن قاداعالاۋ ماقساتىنداعى جۇمىستار جالعاسا بەرەدى.
