كومپانيا قىزمەتكەرلەرى جەتكىزۋ بويىنشا ەرىكتىلەر بولىپ تابىلادى. ولار قورجىندى ءۇيدى-ۇيگە بايلانىسسىز ادىسپەن جەتكىزەتىن بولادى.
«ۇيدە قالىڭىز. ءبىز سىزدەردى جاقسى كورەمىز جانە ساقتايمىز» دەپ جاقىندارىمىزعا وسى باستامانى ايتاتىن بولامىز. سOVID-19 پاندەمياسىنان اعا ۇرپاقتى ساقتاۋعا ەرەكشە نازار اۋدارۋ قاجەت دەپ سانايمىز. كارانتين جانە شەكتەۋلى قوزعالىس كەزىندە ءبىز سىزدەردى قورعاپ, سىزدەردىڭ دەنساۋلىقتارىڭىزعا قامقورلىق جاساعىمىز كەلەدى», – دەدى كومپانيا وكىلدەرى.
ۇلىستىڭ ۇلى كۇنى, قازاقتىڭ جاڭا جىلى – ءاز ناۋرىز مەرەكەسى كەزىندە ادامدار ءبىر-ءبىرىنىڭ ۇيىنە قوناققا بارۋى كەرەك. بىراق وسى جىلعى مەرەكە تار وتباسىلىق شەڭبەرگە اۋىستىرىلدى. ءتىپتى كەيبىرەۋلەر تەك قوڭىراۋ سوعۋمەن عانا شەكتەلىپ وتىر. وسى جاعدايدا دا اتالمىش كومپانيا قاشىقتىقتان بولسا دا قارتتارعا جىلۋ مەن قامقورلىق سىيلاعىسى كەلەدى.
ولار الدىن-الا قوڭىراۋ شالىپ ءسۇت, شاي, سۋ جانە شىرىندى بايلانىسسىز ادىسپەن جەتكىزەدى.
كومپانيا ەلىمىزدەگى ءتۇرلى قاۋىمداستىقتار مەن بەلسەندى ادامداردى قارتتارعا جاقسىلىق جاساۋ ەستافەتاسىن قولداۋعا شاقىرادى.
