بانكتەر مەن مقۇ قاشىقتان جۇمىس ىستەۋگە كوشەدى

ايماقتار • 22 ناۋرىز، 2020

بانكتەر مەن مقۇ قاشىقتان جۇمىس ىستەۋگە كوشەدى

49 رەت كورسەتىلدى

ەكىنشى دەڭگەيلى بانكتەر مەن ميكروقارجى ۇيىمدارى كوروناۆيرۋستىڭ تارالۋىنا بايلانىستى ءوز كليەنتتەرىنە قىزمەت كورسەتۋ ءۇشىن قاشىقتىقتان قىزمەتتەرگە كوشۋدە.

گۇلبارشىن ايتجانبايقىزى

قازاقستان رەسپۋبليكاسىنىڭ قارجى نارىعىن رەتتەۋ جانە دامىتۋ اگەنتتىگى قازاقستان قارجىگەرلەرىنىڭ قاۋىمداستىعىمەن، ەكىنشى دەڭگەيلى بانكتەرمەن جانە ميكروقارجى ۇيىمدارىمەن بىرلەسىپ، كوروناۆيرۋستىڭ تارالۋىنا بايلانىستى قارجىلىق جاعدايى ناشارلاعان تۇرعىندار مەن بيزنەستى جەڭىلدەتۋ شارالارىن ازىرلەدى. وسى قيىن كەزەڭدە بارلىق بانكتەر مەن قارجى ۇيىمدارى وزدەرىنىڭ وپەراتسيالىق بولمەلەرىنە بارماي-اق، كليەنتتەرگە قىزمەت كورسەتۋدى قاشىقتىقتان ماكسيمالدى تۇردە جاقسارتۋ ءۇشىن جۇمىسىن قايتا قۇرۋدا.

قازاقستانداعى توتەنشە جاعداي كەزىندە جەكە تۇلعالار ءۇشىن بانكتەر مەن ميكروقارجى ۇيىمدارى بانكتىك قارىز شارتتارى بويىنشا تولەمدەردى ۋاقتىلى تولەمەگەنى ءۇشىن ايىپپۇلدار مەن ءوسىمپۇلداردى ءوندىرىپ المايدى. 90 كۇننەن استام مەرزىمگە كەشىكتىرىلگەن جاعدايدا، كەپىلسىز تۇتىنۋشىلىق نەسيەلەرى بار جەكە كليەنتتەر، بانكتەر جانە ميكروقارجى ۇيىمدارى پايىزداردى ەسەپتەمەيدى.

سونىمەن بىرگە، جەكە تۇلعالارعا ەشتەڭە جاساۋدىڭ قاجەتى جوق جانە بانك بولىمشەلەرىنە نەمەسە ميكروقارجى ۇيىمىنا كەلۋ قاجەت - ءبارى وزدىگىنەن جاسالادى. ايىپپۇلدار، ءوسىمپۇلدار مەن الىمدار ەسەپتەلمەيدى.

كوروناۆيرۋستىڭ تارالۋىنا بايلانىستى قارجىلىق جاعدايى ناشارلاعان جەكە تۇلعالارعا زاەمدار بويىنشا تولەمدەردى كەيىنگە قالدىرۋدى قامتاماسىز ەتۋ بويىنشا قوسىمشا شارالار ازىرلەندى. قارىزدار بويىنشا تولەمدەردى كەيىنگە قالدىرۋدى قارجى ينستيتۋتتارى جەكە قاراستىرادى جانە ۇسىنادى.

كوروناۆيرۋستىڭ تارالۋىنان زارداپ شەككەن جەكە كاسىپكەرلەر مەن شوب ءۇشىن نەسيە بويىنشا مىندەتتەمەلەردى 90 كۇنگە دەيىن كەشىكتىرۋ قاراستىرىلعان. سونىمەن قاتار، توتەنشە جاعدايدىڭ ەنگىزىلۋىنە بايلانىستى كەشىكتىرىلگەن تولەمدەر ءۇشىن ايىپپۇلدار مەن ءوسىمپۇلدار وندىرىلمەيدى. كاسىپكەرلەر مەن شوب قارجى ينستيتۋتتارىنىڭ ينتەرنەت-قىزمەتتەرى ارقىلى وتىنىشتەر مەن راستايتىن قۇجاتتاردى ۇسىنا الادى.

ەستەرىڭىزگە سالا كەتەيىك، قارجى ۇيىمدارىندا كوپ ادامنىڭ جينالۋىن بولدىرماۋ ءۇشىن كليەنتتەردىڭ ونلاين جازبالارى ۇيىمداستىرىلادى، بارلىق قىزمەتتەردى قاشىقتىقتان، ەلەكتروندى پوشتا، بانك-كليەنت جۇيەسى، ۇيىمنىڭ ينتەرنەت-رەسۋرسى، ءموبيلدى قوسىمشا جانە باسقا بايلانىس قۇرالدارى ارقىلى الۋعا بولادى.

بانكتەردىڭ جۇمىس ۋاقىتى تۋرالى بارلىق اقپارات www.finreg.kz سايتىندا كورسەتىلگەن. اگەنتتىك ءىس-شارالاردىڭ ورىندالۋىن ۇنەمى قاداعالاپ وتىرادى جانە قارجىلىق قىزمەتتەردى تۇتىنۋشىلاردىڭ قۇقىقتارىن قورعاۋدى قامتاماسىز ەتەدى.

كۇننىڭ ماڭىزدى جانە وزەكتى جاڭالىقتارىن «ەگەمەن قازاقستان» تەلەگرام كانالىنان وقىڭىز