الەم بويىنشا وتكەن تاۋلىكتە COVID-19 ۆيرۋسىنان 1630 ادام كوز جۇمدى. ەڭ كوپ ادام شىعىنى بولعان ەل – يتاليا – ءبىر كۇندە 793 ادام باقيلىق بولدى. ال تاعى 6557 ادام اۋرۋ جۇقتىرىپ ۇلگەرگەن. جالپى, ەلدە 53 مىڭ 578 ادام كوروناۆيرۋس جۇقتىرعان.
ال يسپانيادا ءبىر تاۋلىكتە 285 ادام كوز جۇمدى. ىندەت باستالعالى بەرى بۇل ەلدە ۆيرۋستان 1378 ادام قايتىس بولدى. ءبىر كۇندە 3925 ادام اۋرۋ جۇقتىرعان. جالپى, كوروناۆيرۋس جۇقتىرعاندار سانى – 25 مىڭ 496 ادام.
يراندا ءبىر تاۋلىكتە 123 ادام قايتىس بولدى, بارلىعى 1556 ادام كوز جۇمدى. جاڭادان اۋرۋ جۇقتىرعاندار سانى — 966, جالپى, 20610 ادام قاۋىپتى ۆيرۋس جۇقتىرعان.
فرانتسيادا — ءبىر تاۋلىكتە 112 ادام قايتىس بولعان, ال ىندەت باستالعالى بەرى 562 ادام باقيلىق بولعان. بۇل ەلدە ءبىر كۇندە 1847 ادام اۋرۋ جۇقتىرعان, جالپى اۋرۋلار سانى 14459 ادامعا جەتتى.
اقش-تا وتكەن تاۋلىكتە 6728 ادامنىڭ قاۋىپتى ۆيرۋس جۇقتىرعانى بەلگىلى بولدى. ءبىر كۇندە 68 ادام كوز جۇمدى, ىندەت باستالعالى بەرى اجال قۇشقاندار سانى 324-كە جەتتى. 26 111 ادام اۋرۋ جۇقتىرعان.
قىتايدا ءبىر تاۋلىكتە 46 ادام ۆيرۋس جۇقتىردى. كوروناۆيرۋس جۇقتىرعان 6 ادام كوز جۇمدى. جالپى قىتاي بويىنشا 81054 ادام ۆيرۋس جۇقتىرعان.
قازاقستاندا 22 ناۋرىزداعى تاڭەرتەڭگى جاعداي بويىنشا بارلىعى 56 ادامنىڭ COVID-19 جاڭا كوروناۆيرۋسىن جۇقتىرعانى راستالدى.
اتاپ ايتساق, نۇر-سۇلتاندا – 31 ادام, الماتىدا – 22, قاراعاندىدا – ەكى, الماتى وبلىسىندا 1 ادام تىركەلدى.
