بۇكىل الەمدە عالىمداردىڭ بارلىق توپتارى كوروناۆيرۋستىڭ بەتىن قايتارۋعا كۇش بىرىكتىرىپ جاتىر. بۇل باعىتتا شۆەيتساريانىڭ زەرتتەۋ توپتارى دا الدىڭعى ورىندا. بۇگىن «Roche» فارماتسەۆتيكالىق كومپانياسى قحر, اقش مەديتسناسىمەن بىرلەسە وتىرىپ, تەستىلەۋدىڭ سوڭعى كەزەڭىن وتكىزىپ جاتقانىن ايتتى.
«Roche» پرەپاراتى يممۋندىق جۇيەنىڭ ارتىق اسەرىن باسادى, بۇل اۋىر جاعدايلاردا كوروناۆيرۋستىڭ ولىمىنە اكەلەدى. بازەلدەگى فارماتسەۆتيكالىق كومپانيانىڭ پرەپاراتى ارتريت كەزىندە قولدانۋعا رۇقسات ەتىلگەن. سوندىقتان قازىرگى سىناقتاردىڭ ماقساتى تەك كوروناۆيرۋستىق اۋرۋ جاعدايىندا ونىڭ تيىمدىلىگىن انىقتاۋ بولىپ تابىلادى. قىتايدا پرەپارات قازىردىڭ وزىندە توتەنشە جاعدايلاردا قولدانىلا باستادى. ازىرگە ناتيجە وڭ.
«Roche» كومپانياسىنىڭ اتقارۋشى ديرەكتورى سەۆەرين شۆان الەمنىڭ ۇكىمەتتەرىمەن, ونىڭ ىشىندە قىتايدان تىس جەردە, پاتسيەنتتەردى ءدارى-دارمەكپەن قامتاماسىز ەتۋ ءۇشىن سويلەسىپ جاتقانىن, يممۋنولوگتار كومانداسى قىتايداعى ارىپتەستەرىمەن بىرگە ءدارى ەمەس, كوروناۆيرۋسقا قارسى ۆاكتسينانى ىزدەۋگە كىرىسىپ كەتىپتى. سەبەبى «فاۆيپيراۆير» پرەپاراتى جاڭا كوروناۆيرۋس تۋدىراتىن پنەۆمونيانى ەمدەۋدە ءتيىمدى بولىپ شىقتى. «اۆيگان» دەگەن دە اتاۋى بار ء «فاۆيپيراۆيردى» تۇماۋدى ەمدەۋ ءۇشىن «Fujifilm Holdings» جاپون كورپوراتسياسى ازىرلەگەن. ول سونداي-اق ەبولا بەزگەگىنە قارسى قولدانىلعان. پرەپاراتتىڭ جاعىمسىز اسەرى 2014 جىلدان باستاپ تىركەلمەگەن, سول جىلى ونىڭ ساتىلىمى جاپونيادا ماقۇلدانعان ەدى. «Roche» پرەپاراتى «فاۆيپيراۆيردە» قۇرامىن ودان ءارى قاراي جەتىلدىرىلمەك. ەگەر ونىڭ ءتيىمدى ەكەنى دالەندەنسە الداعى ۋاقىتتا «Roche-فاۆيپيراۆير» اتاۋىمەن جاڭا پرەپارات پايدا بولۋى ابدەن مۇمكىن.
تاجىريبەلەر ساتتىلىككە اكەلەتىن بولسا, التى ايدا ميلليونداعان امپۋلالاردى شىعارۋعا مۇمكىندىك بار.
«كوروناۆيرۋستى 100 پايىز ەمدەپ-ايىقتىراتىن دارۋمەندەردىن سىرىن بىلۋگە ادامزات مۇددەلى بولىپ وتىر. ونىڭ قانشالىقتى ناتيجەلى بولارىن قازىر ەشكىم بولجاپ بىلە المايدى. بىراق ادامزاتتىڭ, تەحنولوگيانىڭ بولاشاعى وسىعان بايلانىستى بولىپ تۇر» دەيدى سەۆەرين شۆان.
الماتى
