اتالمىش كەڭەسكە قورعانىس مينيسترلىگىنىڭ باسشىلىعى, قارۋلى كۇشتەر تۇرلەرىنىڭ باس قولباسشىلارى, وڭىرلىك جəنە اسكەر تەكتەرى قولباسشىلارى, سونداي-اق ارىس قالاسىنداعى توتەنشە جاعداي سالدارىن جويۋ جونىندەگى جەدەل شتابتىڭ باسشىلىعى قاتىستى.
وتكەن جىلى ارىس قالاسىندا قۇرىلعان جەدەل شتاب باسشىلىعى جۇمىستىڭ بارىسى مەن ناتيجەلەرى تۋرالى باياندادى. ءموبيلدى ساپەرلىك توپتاردىڭ شاقىرۋ جانە ىزدەۋ توپتارىنىڭ جۇمىسى جالعاسۋدا. كوكتەمگى ەگىس القاپتارىن تازالاۋ جانە كوكتەم مەزگىلى باستالىسىمەن پايدا بولعان شۇڭقىرلارعا زەرتتەۋ جۇرگىزىلەدى. جەرگىلىكتى تۇرعىنداردىڭ تاراپىنان ينجەنەرلىك-ساپەرلىك بولىمشەلەردىڭ جۇمىسىنا تۇسىنىستىكپەن قاراپ, قولداۋ كورسەتۋى ءوز كەزەگىندە العىستى تالاپ ەتەدى. ولار قىراعىلىقتى ساقتاي وتىرىپ, ءاردايىم تابىلعان بەلگىسىز زاتتار تۋرالى جەدەل شتابقا دەر كەزىندە حابارلايدى, جەدەل توپ ءاربىر سيگنالعا جاۋاپ بەرىپ, شۇعىل تۇردە ءبىرىنشى قوڭىراۋ بويىنشا ميناسىزداندىرۋ توپتارىن جىبەرەدى.
تابىلعان وق-دارىلەر فراگمەنتتەرىنىڭ باسىم كوپشىلىگى قاۋىپ توندىرمەيدى.
سونداي-اق, وڭىردەگى əسكەري قالاشىقتىڭ تىرشىلىك ارەكەتى مەن ينفراقۇرىلىمى تولىق قالپىنا كەلتىرىلدى.
قورعانىس ءمينيسترى گەنەرال-مايور نۇرلان ەرمەكباەۆ وڭىردەگى ەگىس جۇمىستارىنىڭ باستالۋىنا, اۋىل شارۋاشىلىعى القاپتارىن جەرگىلىكتى تۇرعىنداردىڭ مۇددەسىنە تازالاۋعا نەگىزگى كۇش-جىگەردى باعىتتاۋعا بايلانىستى مۇقيات تازارتۋ قاجەتتىگىنە نازار اۋداردى.
سونىمەن قاتار, ارىس قالاسىندا ورنالاسقان جەكە قۇرام اراسىندا كوروناۆيرۋستىق ينفەكتسيانىڭ الدىن الۋ بويىنشا مىندەتتەر قويىلدى.
