قازىر سايت اۆتورلارى بەلارۋسسيا جەرىندەگى سوعىستان قالعان زيراتتاردىڭ ەلەكتروندىق بازاسىن جاساقتاۋدى جوسپارلاپ, وعان مينسك وبلىسىندا ساقتالىپ قالعان باۋىرلاستار زيراتىندا جاتقانداردىڭ اتى-ءجونىن ەنگىزۋدى كوزدەپ وتىر.
بۇل مالىمەتتەر بويىنشا بۇرىنعى كسرو ەلدەرىنىڭ كەز-كەلگەن ازاماتى تۋىسقاندارى جاتقان قابىردىڭ ورنالاسقان جەرى مەن ناقتى گەولوكاتسياسىنىڭ سيپاتتاماسىن بىلە الادى نەمەسە ولاردىڭ قانداي جاعدايدا ساقتالعانىن عالامتور ارقىلى باقىلاي الادى.
«ەستە ساقتاۋ» دەگەن اتپەن شىققان سايتتىڭ تاعى ءبىر الەۋمەتتىك ماڭىزدى فۋنكتسياسى, كەز-كەلگەن قولدانۋشى اقىسىز ىزدەۋگە سۇراۋ جىبەرە الادى. ول ءۇشىن سوعىستا قازا بولعان نەمەسە بەلگىسىز كەتكەن تۋىسىنىڭ اتى-ءجونىن نەمەسە شاقىرىلعان جەرىنىڭ مەكەن-جايىن بىلسە بولدى.
جوبا قىزمەتكەرلەرى جەرلەۋ ورنىن تەك بەلارۋسسيادا عانا ەمەس, رەسەي مەن ۋكراينادا دا تابۋعا كومەكتەسەدى. بۇدان باسقا, سايتتىڭ ءاربىر قولدانۋشىسى تۋىستارىنىڭ سۇيەگىن جەرلەۋدى ۇيىمداستىراتىن ۇيىمداردىڭ بىرىڭعاي اقپاراتتىق كاتالوگىنداعى مالىمەتتەر بازاسىن پايدالانا الادى.
