– سۋپەرماركەتتەردە, دۇكەندە قاجەتتى زاتتى ساتىپ الاردا تۇتىنۋشىلار قاۋىپسىزدىكتى قالاي ساقتاۋ كەرەك؟ ازىق-ت ۇلىكتىڭ ورامالارىندا, تسەللوفان ماتەريالداردا ۆيرۋس قانشا ۋاقىت ءومىر سۇرەدى؟
– كوروناۆيرۋستىق ينفەكتسيانىڭ بۇل ءتۇرى مەتالدا, قاعازدا, پلاستيكتە بىرنەشە ساعاتتان بىرنەشە كۇنگە دەيىن ساقتالىپ تۇرا بەرەدى. سىزگە دەيىن ورالعان زاتتى ۆيرۋس جۇقتىرعان ادام ۇستاسا, ورالعان ونىمدەردە دە ول بولۋى مۇمكىن. سىرقات ادام تۇشكىرگەندە, جوتەلگەندە ىشتەگى ۆيرۋس سىرتقا شىعىپ, زاتتارعا قوناقتايدى. سوندىقتان سىرتى ورالعان ازىق-ت ۇلىكتى ۇيگە كەلىپ, سىرتىن سۋعا شايىپ العان ءجون. قازىر بارلىق ەلدە ازىق-ت ۇلىكتى ورالعان تۇردە ساتۋ تۋرالى ۇسىنىستار ايتىلىپ جاتىر. بەتى اشىق تۇرعان ونىمدەردى الماعان دۇرىس. ازىق-ت ۇلىكتى تاسۋعا ارنالعان اربالاردىڭ تۇتقاسى دا قاۋىپتى. قولدان قولعا وتەتىن اربالاردى ۇستاعاننان كەيىن قولدى انتيسەپتيكپەن زارارسىزداندىرىپ, ۇيگە كەلگەننەن كەيىن مۇقيات سابىنداپ جۋ كەرەك.
– بالامەن دالاعا شىعۋعا بولا ما؟ بالالار وينايتىن الاڭدا ويناۋ – قانشالىقتى قاۋىپسىز؟ ۆيرۋستار اتكەنشەك, سىرعاناقتاردا قانشا ۋاقىت ساقتالادى؟
– كوروناۆيرۋس ادام اعزاسىنان تىس اۋادا ورتا ەسەپپەن ءۇش ساعاتقا دەيىن ءومىر سۇرە الاتىنىن عىلىمي زەرتتەۋلەر انىقتاپ وتىر. ال كۇن سالقىن بولسا, بىرنەشە كۇنگە دەيىن ءومىر ءسۇرۋ قابىلەتىن ساقتايدى. ارينە, دالاعا شىققان دۇرىس. بىراق تازالىق ءتارتىبىن مۇقيات ساقتاعان ءجون. بالالار اراسىندا تۇشكىرگەن, جوتەلگەندەرى بولسا, الىستاۋ ويناۋ كەرەك. ۇيگە كەلگەندە بالاڭىزدىڭ قولىن سابىنداپ جۋىپ, سىرتقى كيىمىن تازالاپ, قاعىپ-سىلكۋ قاجەت.
– ال سىرتتان, باسقا ەلدەردەن تاپسىرىس بويىنشا كەلىپ جاتقان قورابتاردى, سالەمدەمەلەردى اشۋ قانشالىقتى قاۋىپسىز؟
– قىتايدان, باسقا دا ەلدەردەن پوشتا ارقىلى كەلىپ جاتقان زاتتاردى الۋ قاۋىپسىز. ۆيرۋس ادام اعزاسىنان تىس ۇزاق ۋاقىت ءومىر سۇرە المايدى. سوندىقتان الاڭداماۋعا بولادى. بىراق سالەمدەمە, باسقا زاتتاردى ۇستاعاننان كەيىن تاعى دا سول – تازالىقتى ساقتاپ, قولدى جۋ كەرەك. ءوزىن, اينالاسىن تازا ۇستاعان ادام ۆيرۋستان دا امان بولادى.
ازىرلەگەن قىمبات توقتامۇرات
