جىل سايىن 20 ناۋرىزدا بۇكىل الەم بويىنشا حالىقارالىق فرانكوفونيا كۇنىندە الەمنىڭ 70-تەن استام ەلى مەن جۇزدەگەن قالالارىنىڭ قاتىسۋىمەن كوپتەگەن ءىس-شارالار وتكىزىلەدى. فرانتسۋز ءتىلى الەمدە بەسىنشى ورىندا جانە اعىلشىن تىلىمەن قاتار بارلىق قۇرلىقتاردا قولدانىلادى.
ونلاين-كونفەرەنتسياعا اباي اتىنداعى قازۇپۋ رەكتورى تاكير بالىقباەۆ, قازاقستان رەسپۋبليكاسى تۇڭعىش پرەزيدەنتى - ەلباسىنىڭ قورى اتقارۋشى ديرەكتورىنىڭ ورىنباسارى, قازاقستاننان ەۋروپا كەڭەسىنىڭ ۆەنەتسيا كوميسسياسىنىڭ مۇشەسى يگور روگوۆ, فرانتسياداعى ءبىزدىڭ ەلشىلىكتىڭ اتتاشەسى جيل مامەتتس, اباي اتىنداعى قازۇپۋ سوربوننا-قازاقستان ينستيتۋتىنىڭ ديرەكتورى, «ىزگىلىك ەلشىسى» ەرىكتىلەر قوزعالىسىنىڭ جەتەكشىسى, قازاقستان رەسپۋبليكاسى پرەزيدەنتىنىڭ جانىنداعى قوعامدىق سەنىم ۇلتتىق كەڭەسىنىڭ مۇشەسى اينۋر ءسابيتوۆا, سوربوننا-قازاقستان ينستيتۋتىنىڭ تەڭ ديرەكتورى كريستين بۋتەيە قاتىستى. ونلاين-كونفەرەنتسياعا سونىمەن قاتار سوربوننا-قازاقستان ينستيتۋتىنىڭ وقىتۋشىلارى مەن ستۋدەنتتەرى قاشىقتىقتان قوسىلدى. ءىس-شارانىڭ مودەراتورى اينۇر ءسابيتوۆا بولدى. اباي اتىنداعى قازاق ۇلتتىق پەداگوگيكالىق ۋنيۆەرسيتەتىنىڭ رەكتورى تاكير بالىقباەۆ پەن فرانتسيانىڭ قازاقستانداعى ەلشىلىگىنىڭ اتتاشەسى جيل مامەتتس ونلاين رەجيمدە قۇتتىقتاۋ ءسوز سويلەدى.
يگور روگوۆ «فرانتسۋز زاڭ مەكتەبىنىڭ قازاقستاننىڭ قۇقىقتىق جۇيەسىن قالىپتاستىرۋعا اسەرى» تاقىرىبىندا بايانداما جاساپ, فرانتسۋز زاڭ مەكتەبىنىڭ قازاقستاندىق قۇقىقتىق جۇيەنىڭ قالىپتاسۋىنا, اتاپ ايتقاندا, كونستيتۋتسياعا اسەرى تۋرالى ايتتى. ەلباسىنىڭ باستاماسى بويىنشا قازاقستاندا «استانا» حالىقارالىق قارجى ورتالىعى جۇمىس ىستەيدى, ونىڭ قولدانىستاعى زاڭى انگليا مەن ۋەلستىڭ زاڭدارىنىڭ قاعيدالارىنا, نورمالارىنا جانە پرەتسەدەنتتەرىنە نەگىزدەلگەن. ال فرانتسيادا تاجىريبە بار, اتاپ ايتقاندا جەرزەي مەن گەرنەزەي ارالدارىنداعى نورمانديا پروۆينتسياسىندا اعىلشىن قۇقىعى قولدانىلادى. قازاقستاندىق زاڭگەرلەر كونتينەنتالدى زاڭى بار ەلدىڭ اعىلشىن قۇقىعىن قالاي قولداناتىندىعىنا قىزىعۋشىلىق تانىتتى» دەپ اتاپ وتسە, سوربوننا-قازاقستان ينستيتۋتىنىڭ فرانتسۋز ءتىلى مۇعالىمى ح. فاتەس «حالىقارالىق ديپلوماتياداعى فرانتسۋز ءتىلىنىڭ ءرولى تۋرالى» بايانداما جاسادى.
بەينە-كونفەرەنتسيا قازاقستاندىق جانە فرانتسۋز قاتىسۋشىلارىنىڭ ۇلكەن قىزىعۋشىلىعىن تۋدىردى.
الماتى
