قازاقستان • 21 ناۋرىز، 2020

ەلورداعا كىرۋ جانە شىعۋ جولدارى جابىلادى

13 رەت كورسەتىلدى

نۇر-سۇلتان قالالىق پوليتسيا دەپارتامەنتى COVID-2019 ۆيرۋسىنىڭ جاپپاي تارالۋىن الدىن الۋ جانە جولىن كەسۋ ماقساتىندا بارلىق قاجەتتى شارالاردى قولعا الۋدا.

قوعامدىق ءتارتىپتى قامتاماسىز ەتۋ ماقساتىندا جەكە قۇرام قىزمەت اتقارۋدىڭ ەرەكشە رەجيمىنە اۋىستىرىلدى. پوليتسيا دەپارتامەنتى 22 ناۋرىزدا ساعات 00:00-دە ەلوردانىڭ بارلىق كىرۋ جانە شىعۋ جولدارى جابىق بولادى دەپ ەسكەرتىپ وتىر. قالا تۇرعىندارى مەن قالا قوناقتارىنا الدىن الا ءتيىستى شارالار قابىلداۋ ۇسىنىلۋدا.

بۇگىندە ەلورداعا كىرە بەرىسكە جاقىن ورنالاسقان جىبەك جولى، قوسشى، قاراوتكەل، تالاپكەر جانە قوياندى كەنتتەرىن قوسا العاندا، 7 بلوك بەكەتتەرى قويىلدى. ترانزيتپەن وتەتىن جۇك اۆتوكولىك قۇرالدارى ءۇشىن نۇر-سۇلتانعا كىرۋ قالا اينالاسىنداعى اينالما اۆتوجول ارقىلى ءوتۋ كوزدەلگەن. پوليتسيا قىزمەتكەرلەرى ءبىر-ەكى مينۋت ىشىندە پلانشەتتەردىڭ كومەگىمەن ەلەكتروندىق بازا بويىنشا قۇجاتتاردى تەكسەرۋدە.

قۇقىق قورعاۋ قىزمەتكەرلەرى تەكسەرۋ ءىس-شارالارى كەزىندە تۇسىنىستىك تانىتقان اۆتوكولىك جۇرگىزۋشىلەرى مەن جولاۋشىلارعا العىس ايتۋدا. ەنگىزىلگەن شارالار ازاماتتاردىڭ قاۋىپسىزدىگىن قامتاماسىز ەتۋ جانە ءاربىر تۇرعىننىڭ جانە جالپى قالا حالقىنىڭ دەنساۋلىعىن ساقتاۋ ءۇشىن قاجەت ەكەنى ءتۇسىندىرىلىپ وتىر.

سوڭعى جاڭالىقتار

تىركەمە توڭكەرىلىپ قالدى

ايماقتار • بۇگىن، 20:30

الماتى قالاسىندا جەر سىلكىندى

ايماقتار • بۇگىن، 18:40

الەم الدىنداعى ەكى پروبلەما

كوروناۆيرۋس • بۇگىن، 15:25

دوللار باعامى تۇراقتى

ەكونوميكا • بۇگىن، 11:54

ىزدەۋدەگى 16 قىلمىسكەر ۇستالدى

ايماقتار • بۇگىن، 11:10

ۇقساس جاڭالىقتار