الەم • 20 ناۋرىز، 2020

قىتايدا ۆيرۋس جۇقتىرعاندار سانى ازايۋدا

301 رەت كورسەتىلدى

ىندەت بەلەڭ العالى بەرى قىتايدا بارلىعى 81202 ادام ۆيرۋستىڭ ناق وسى ءتۇرىن جۇقتىرىپ، ولاردىڭ 71150-ءى ەمدەلىپ ۇلگەرىپتى. 6569-ى ءالى دە ەم قابىلداپ جاتسا (2136 ادام اسا اۋىر جاعدايدا)، ومىردەن وزعاندار سانى 3248-گە جەتىپ وتىر. الايدا وتكەن تاۋلىكتە قىتايدا بىردە-ءبىر ازامات COVID-19 ىندەتىن جۇقتىرمادى. تىركەلگەن 39 وقيعا – وزگە مەملەكەتتەردەن كەلگەن ادامداردان انىقتالعانى بەلگىلى بولدى.

ياعني پەكيندە – 6، گۋاندۋن پروۆينتسياسىندا – 14، شانحايدا – 8، فۋتسزيان پروۆينتسياسىندا – 3، حەيلۋنتسزيان، لياونين، چجەتسزيان، شاندۋن، سىچۋان، گانسۋ پروۆينتسيالارى مەن تيانتسزين قالاسىندا، گۋانسي-چجۋان اۆتونومدى ايماعىندا ءبىر-ءبىر وقيعا ورىن الىپتى. شەت مەملەكەتتەردەن كەلىپ، قانىندا ۆيرۋس انىقتالعان ازاماتتاردىڭ جالپى سانى بۇگىندە 228-گە جەتتى.

ەپيدەميا وشاعىنا اينالعان حۋبەي پروۆينتسياسى مەن ۋحاندا ءبىر تاۋلىك ىشىندە بارلىعى 703 ادام ەمدەلىپ، ەكى ادامنىڭ ومىردەن وزعانى ايتىلۋدا. ونىڭ ەكەۋى دە ۋحاندا ورىن الدى. ءۇشىنشى ادامنىڭ ءولىمى لياونين پروۆينتسياسىندا تىركەلدى.

COVID-19 ەتەك جايعالى بەرى حۋبەي پروۆينتسياسىندا بارلىعى 67800 ادام اۋرۋ جۇقتىرىپتى. سونىڭ 50000-نان استامى ۋحان تۇرعىندارىنا قاتىستى بولىپ وتىر. الايدا 58381 ادامعا ەم قونىپ، دەرتىنەن ايىقسا، 3132 ادام (ۋحاندا 2498 ادام) اجال قۇرىعىنا ءىلىندى. بۇگىندە اتالعان پروۆينتسيادا شامامەن 6287 ادام دەرتپەن كۇرەسۋدە. ولاردىڭ 2098-ءى اۋىر جاعدايدا.

ءبىر عانا گونكونگتىڭ وزىندە ۆيرۋس جۇقتىرعاندار سانى 208-ءدى القىمدادى. سونىڭ ىشىندە 98 ادام ايىققانى ايتىلسا، 4 ادام ومىردەن وزعان كورىنەدى. ال ماكاودا ىندەتكە شالدىققاندار سانى 17-گە جەتتى. ولاردىڭ 10-ى ەمدەلدى دەگەن مالىمەت بار. تايۆاندا 108 ادامنىڭ بويىنان ۆيرۋس تابىلىپ، 1 ادام كوز جۇمدى. 26 ادام ەمدەلدى.

سوڭعى جاڭالىقتار

تىركەمە توڭكەرىلىپ قالدى

ايماقتار • بۇگىن، 20:30

الماتى قالاسىندا جەر سىلكىندى

ايماقتار • بۇگىن، 18:40

الەم الدىنداعى ەكى پروبلەما

كوروناۆيرۋس • بۇگىن، 15:25

دوللار باعامى تۇراقتى

ەكونوميكا • بۇگىن، 11:54

ىزدەۋدەگى 16 قىلمىسكەر ۇستالدى

ايماقتار • بۇگىن، 11:10

ۇقساس جاڭالىقتار