بۇگىندە ەلىمىزدىڭ قارۋلى كۇشتەرى بىرقاتار كەشەندى ءىس-شارالاردى قولعا الىپ, جۇكتەلگەن تاپسىرمانى ورىنداۋعا كىرىسىپ كەتتى. اسا ماڭىزدى مەملەكەتتىك جانە اسكەري نىسانداردىڭ كۇزەتى كۇشەيتىلدى. اسكەري قىزمەتشىلەر ۇلتتىق ۇلان جانە پوليتسيا بولىمشەلەرىمەن بىرلەسىپ قوعامدىق ءتارتىپتى قامتاماسىز ەتۋ ماقساتىندا پاترۋلدىك جۇمىستارعا قاتىسۋدا.
كارانتين ايماعى سانالاتىن نۇر-سۇلتان جانە الماتى قالالارىنداعى بايلانىس جانە قيىلىس پۋنكتەرىندە اسكەري دەسانت ساربازدارى مەن بىتىمگەرشىلىك پولكتەرى تاۋلىك بويى قىزمەت ەتەدى. وسى ماقساتتا كەلىسىمشارت بويىنشا قىزمەت ەتەتىن, ارنايى دايارلىقتان وتكەن, وسىنداي ءىس-قيمىلداردا تاجىريبەسى مول اسكەري قىزمەتشىلەر تارتىلدى.
رادياتسيالىق, حيميالىق جانە بيولوگيالىق قورعاۋ بولىمشەلەرىنىڭ دايىندىعىنا ەرەكشە كوڭىل بولىنۋدە. زاقىمدانۋ قاۋپى بار اۋماقتار مەن نىسانداردى وڭدەۋ ءۇشىن جاساقتار قۇرىلدى. دەزينفەكتسيالاۋعا قاجەت رەاگەنتتەر قورى بار ستانتسيالار (ارس-14KZ) ازىرلىككە كەلتىرىلدى. جەرگىلىكتى نىسانداردى زارارسىزداندىرۋ ماقساتىندا گازدان تازارتۋ جيىنتىقتارىن (يدك-1) قولدانۋ جوسپارلانىپ وتىر.
قورعانىس مينيسترلىگىنىڭ جەدەل شتابى جەرگىلىكتى بيلىك ورگاندارىمەن, ىشكى ىستەر جانە دەنساۋلىق ساقتاۋ ورگاندارىمەن ۇزدىكسىز جۇمىس جاساۋدا. وسىعان دەيىن باستالعان سانيتارلىق-ەپيدەميولوگيالىق شارالار مەن مەن اسكەري قىزمەتشىلەردىڭ قاۋىپسىزدىگىن تۇراقتتاندىرۋ پۋنكتتەرىندەگى مىندەتتەر ودان ءارى جالعاسادى.
مەرزىمدى اسكەري قىزمەتكە شاقىرىلعاندار كارانتيندە بولعاندىقتان, ارنايى تاپسىرمالاردى ورىنداۋعا قاتىسپايدى. ولارعا سەيىلگە شىعۋعا, تۋىستارى جانە دوستارىمەن قارىم-قاتىناس ورناتۋعا شەكتەۋ قويىلدى.
