ءوز تاراپىنان بانكتەر كەلەسىدەگى قولدادىۋ كورسەتۋگە دايىن ەكەندىكتەرىن راستادى:
- قر- دا توتەنشە جاعدايدىڭ ارەكەت ەتۋ كەزەڭىندە قازاقستاندا توتەنشە جاعدايعا بايلانىستى شەكتەۋلەر ناتيجەسىندە قارىز الۋشىلاردا تۋىنداعان تولەمدەردىڭ مەرزىمىن وتكىزىپ الۋدا ايىپپۇلدار مەن وسىماقىلار ەسەپتەلمەيدى. جەكە تۇلعالارعا وسى شارانى قولدانۋ ءۇشىن بانككە جۇگىنۋدىڭ قاجەتى جوق.
- قر توتەنشە جاعداي كەزەڭىندە قر زاڭناماسىنا ءتيىستى تۇزەتۋلەر قابىلدانعاننان جانە كۇشىنە ەنگەننەن كەيىن, تولەۋ مەرزىمى 90 كۇننەن اساتىن مەرزىمدى قۇرايتىن جەكە تۇلعالاردىڭ كەپىلسىز تۇتىنۋشىلىق قارىزدارى بويىنشا پايىزدىق سىياقىنى ەسەپتەۋدى توقتاتۋ. وسى شارانى قولدانۋ ءۇشىن بانككە جۇگىنۋدىڭ قاجەتى جوق.
- قازاقستاندا توتەنشە جاعدايعا بايلانىستى شەكتەۋلەردى ەنگىزۋ ناتيجەسىندە قارجىلىق جاعدايى ناشارلاعان جەكە كاسىپكەرلەر مەن شاعىن جانە ورتا بيزنەس سۋبەكتىلەرى ءۇشىن كرەديتتەر بويىنشا مىندەتتەمەلەردى ورىنداۋ بويىنشا 90 كۇنگە دەيىنگى مەرزىمگە كەيىنگە قالدىرۋ جانە بەرەشەكتى وتەۋ كەستەسىن قايتا قاراۋ مۇمكىندىگى جەكە تارتىپپەن قارالاتىن بولادى.
بانكتەر قارىز الۋشىلاردىڭ بانكتەر كورسەتكەن رەسۋرسقا نەمەسە ارناعا (ەلەكتروندىق پوشتا, «بانك-كليەنت» ونلاين جۇيەسى, بانكتىڭ ينتەرنەت رەسۋرسى) جازباشا تۇردە جىبەرىلگەن وتىنىشتەرىن ونلاين قارايتىن بولادى. ءاربىر بانك ءۇشىن وتىنىشتەردى قابىلداۋدىڭ بولىنگەن ارناسى تۋرالى اقپارات ونىڭ ينتەرنەت رەسۋرسىندا ورنالاستىرىلادى.
ءوتىنىشتى قاراۋ بارىسىندا بانك قاجەتتى راستاۋشى قۇجاتتاردى سۇراتادى جانە قارىز الۋشىعا قاراۋ ناتيجەلەرى تۋرالى حابارلايدى.
قازاقستاننىڭ قارجى نارىعىنا قاتىسۋشىلار ۇكىمەت پەن قارجى سەكتورىنىڭ شارالارىن ىسكە اسىرۋ ناتيجەسىندە وتاندىق بيزنەسكە قاجەتتى كومەككورسەتىلەتىنىنە, سونداي-اق بورىشتىق جانە سالىق اۋىرتپالىعىن تومەندەتۋ, سونداي-اق جۇمىس ىستەپ تۇرعان جۇمىس ورىندارىن ساقتاۋ جانە جاڭا جۇمىس ورىندارىن قۇرۋ ارقىلى حالىق ءۇشىن الەۋمەتتىك كەپىلدىكتەر قامتاماسىز ەتىلەتىنىنە سەنىمدى.
الماتى
