الەم • 19 ناۋرىز، 2020

COVID-2019: اجالمەن ارپالىس ءالى دە جالعاسۋدا

589 رەتكورسەتىلدى

دۇنيەجۇزىندە كورونوۆيرۋس پاندەمياسىنا شالدىققاندار سانىنىڭ gisanddata.maps.arcgis.com ونلاين كارتاسى تاۋلىك سايىن مالىمەتتى جاڭارتۋدا. وعان سەنسەك، بۇگىندە وڭتۇستىك كورەيادا قانىندا COVID-2019 كوروناۆيرۋسى انىقتالعان ادامدار سانى 8565 ادامدى قۇراسا، سونىڭ 1540-ى دەرتتەن ايىعىپ ۇلگەرىپتى. وكىنىشكە قاراي، پاندەميا سالدارىنان اتالعان مەملەكەتتە وسى ۋاقىتقا دەيىن 91 ادام كوز جۇمدى.

ءبىر تاۋلىكتە وڭتۇستىك كورەياداعى دەرتكە شالدىققاندار سانى 152-گە جەتسە، ەمدەلگەندەردىڭ رەكوردتىق كورسەتكىشى 407-ءى ادامدى قۇراپ وتىر. بۇل مەملەكەت ەپيدەميالىق قاۋىپتى ەڭ جوعارى ساتىعا كوتەردى. مەكتەپ جانە مەكتەپكە دەيىنگى ءبىلىم بەرۋ ۇيىمدارى وقۋ پرتسەسسىن باستاۋدى وسىمەن ءۇشىنشى مارتە كەيىنگە قالدىرىپ وتىر. قولدا بار مالىمەتكە سۇيەنسەك، وقۋشىلار مەن بالدىرعاندار ءبىلىم بەرۋ ۇيىمدارىنىڭ تابالدىرىعىن وسى جىلدىڭ 6 ساۋىرىندە اتتاي الادى. تەگۋ قالاسى مەن كيونسان-پۋكتو پروۆينتسياسىنداعى تاعى ءۇش شاھار ايرىقشا اپات ايماعى رەتىندە بەلگىلەندى.

كەشەلى بەرى تەگۋ قالاسىندا جاڭادان – 97، ەل استاناسى سەۋلدە – 12، كيونگيدو پروۆينتسياسىندا – 18، كيونسان-پۋكتو پروۆينتسياسىندا – 12 ناۋقاس تىركەلدى. جاڭا ناۋقاستار وسى ەلدىڭ وزگە ايماقتارىنان دا تابىلدى. تاعى 7 ادام كوز جۇمىپ، جوعارىدا اتاپ وتكەنىمىزدەي مارقۇمداردىڭ جالپى سانى 91-گە جەتتى.

بۇدان بولەك 15904 ادامنىڭ ساراپتاماسى زەرتتەلۋدە. ايتا كەتەيىك، وسى ۋاقىتقا دەيىن وڭتۇستىك كورەيادا بارلىعى 282000 ادامنىڭ ساراپتاماسى دارىگەرلەردىڭ نازارىنا الىندى.

سونداي-اق ەلدەگى ناۋقاستاردىڭ جالپى سانى دا بەلگىلى بولىپ وتىر. ماسەلەن سەۋلدەگى ۆيرۋس جۇقتىرعاندار سانى 270-كە جەتسە، تەگۋ قالاسىنداعى بۇل كورسكەىش – 6241 ادامدى قۇراۋدا. تاعى 1190 ناۋقاس كيونسان-پۋكتو پروۆينتسياسىندا، 295 ناۋقاس كيونگيدو پروۆينتسياسىندا تىركەلگەن. پۋسان قالاسىندا ۆيرۋس جۇقتىرۋعا قاتىستى 107 وقيعا ورىن الدى. 5000-نان استام ادامنىڭ دەرتكە شالدىعۋى (59،6 %) سينچحونچجي سەكتاسىمەن بايلانىستى بولعانى انىقتالدى. ەلدە ۇجىمدىق تۇرعىدا ناۋقاستانعانداردىڭ پايىزدىق كورسەتكىشى 80،2-ءنى قۇراۋدا.

رەنحاپ اگەنتتىگىنىڭ حابارلاۋىنشا، وڭتۇستىك كورەيادان ەكسپورتتالعان بەت ماسكالارىنىڭ سانى وتكەن جىلدارمەن سالىستىرعاندا 23 ەرتە ارتىپتى. الايدا ناۋرىز ايىنىڭ سوڭىنا قاراي بۇل كورسەتكىش كۇرت تومەندەۋى ىقتيمال. سەبەبى ەلدە تاۋاردىڭ ناق وسى ءتۇرىن ەكسپورتتاۋعا تىيىم سالىنۋدا.

ەپيدەميا وشاعىنا اينالعان تەگۋ قالاسىنداعى ناۋقاستار سانىنىڭ كۇرت تومەندەۋىنە قاراماستان، وڭتۇستىك كورەيانىڭ بيلىك وكىلدەرى جاڭا وشاقتاردىڭ پايدا بولۋىنان قاۋىپتەنىپ، ازىرلىك جۇمىستارىن ءالى دە جالعاستىرۋدا. جەدەل جەلى ورتالىقتارىنا 500-دەن استام مامان جۇمىلدىرىلىپ، وسى تەكتەس جۇمىستار كيونگيدو پروۆينتسيسىنداعى بىرنەشە شىركەۋدە دە قولعا الىنۋدا.

سوڭعى جاڭالىقتار

ىستىق تاماق تاراتتى

قازاقستان • كەشە

ۇقساس جاڭالىقتار