الماتى قالاسىندا كوروناۆيرۋس ينفەكتسياسىن تاراتۋعا جول بەرمەۋ جونىندەگى وڭىرلىك شتابتىڭ شەشىمى بويىنشا الماتى قالاسىنىڭ مەملەكەتتىك باس سانيتارلىق دارىگەرى مىندەتىن اتقارۋشىنىڭ قاۋلىسىمەن اعىمداعى جىلدىڭ 17 ناۋرىزىندا سانيتارلىق-كۋرورتتىق جانە ساۋىقتىرۋ مەكەمەلەرىنىڭ باسشىلارىنا وسىعان قاتىستى بۇيرىق بەرىلدى.
حابارلامادا الماتى قالاسى تۇرعىندارىنىڭ اراسىندا COVID-2019 ينفەكتسياسىنىڭ تاراۋ قاۋپىنە جول بەرمەۋ جانە قر پرەزيدەنتىنىڭ «توتەنشە جاعدايدى ەنگىزۋ تۋرالى» جارلىعى اياسىندا سانيتارلىق-كۋرورتتىق جانە ساۋىقتىرۋ مەكەمەلەرىنىڭ باسشىلارى بارلىق دەمالۋشىلاردى تۇرعىلىقتى جەرلەرىنە جىبەرۋلەرى ءتيىس ەكەندىگى ايتىلعان.
قالادا كوروناۆيرۋس جۇقتىرۋ وشاقتارى بار. الماتى قالاسىندا كوروناۆيرۋس ينفەكتسياسىنىڭ تاراۋىنا جانە جۇقپالى دەرتتىڭ وزگە ايماقتارعا تاراۋىنا جول بەرمەۋ ماقساتىندا اعىمداعى جىلدىڭ 19 ناۋرىزىندا قالاعا كارانتين ەنگىزىلدى. سىرتتان كەلگەن بارلىق دەمالۋشىلار مەگاپوليس اۋماعىنان شىعۋلارى ءتيىس.
جالپى كوروناۆيرۋس ينفەكتسياسىنىڭ تاۋارىنا جول بەرمەۋ ءۇشىن جەكە پروفيلاكتيكانى قاتاڭ ساقتاعان ءجون:
- قولدى ءجيى جۋ جانە انتيسەپتيكتى قولدانۋ. قولدى ءاربىر جارتى ساعات سايىن 20 سەكۋند بويىنا سابىنمەن جۋ قاجەت. ەگەر جاقىن ماڭدا قولجۋعىش, سابىن بولماسا, وندا ميكروبتى ولتىرەتىن قاراپايىم انتيسەپتيكتى پايدالانۋ قاجەت;
- بولمەنى ءجيى جەلدەتكەن ءجون;
- قوعامدىق ورىندارعا بارۋدى شەكتەۋ قاجەت;
- قولالىسۋدان جانە جاقىن بايلانىستان اۋلاق بولعان ءجون;
- يممۋنيتەتتى كۇشەيتۋ كەرەك;
- جرۆي نەمەسە تۇماعا قاتىستى بەلگىلەر بايقالسا, جايسىزدىق سەزىلسە, قۇرعاق جوتەل پايدا بولسا, وندا دەرەۋ ەمحانادان دارىگەردى نەمەسە «جەدەل جاردەمدى» شاقىرۋ قاجەت. بۇدان وزگە, ادامدار كوپ جينالاتىن جەرلەرگە بارماعان ءجون, قاجەت بولماسا سىرتقا شىقپاعان جانە قوعامدىق كولىكتى پايدالانباعان دۇرىس.
انىقتاما الۋ ءۇشىن 1406 نومىرى ارقىلى تاۋلىك بويىنا جۇمىس ىستەيتىن call-ورتالىققا حابارلاسۋ قاجەت.
الماتى
