بۇل قۇجات, بۇگىن بەيسەنبى, 19 ناۋرىز كۇنى تاراتىلدى.
وتكەن تاۋلىك ىشىندە الەمدىك قارجى نارىقتارىنداعى تۇراقسىزدىق ايتارلىقتاي ءوستى. Brent ماركالى مۇناي باعاسى باررەلىنە $ 25-كە جەتتى, جىل باسىنان بەرى 14% جانە 60%-دان تومەندەدى. الەمدىك قورلار مەن ۆاليۋتا نارىقتارىنىڭ قۇلدىراۋى جالعاسۋدا. رەسەي ءرۋبلى كۇن ىشىندە 7,3%-عا, ال جىل باسىنان بەرى 30%-دان استام السىرەدى.
«مۇنداي جاعدايدا ىشكى فاكتورلاردىڭ ىشكى ۆاليۋتا نارىعىنداعى تۇراقسىزداندىرۋشى اسەرىن شەكتەۋ جانە قازاقستان رەسپۋبليكاسىنىڭ قارجىلىق تۇراقتىلىعىن قامتاماسىز ەتۋ ماقساتىندا ۇلتتىق بانك قازاقستان قور بيرجاسىمەن بىرلەسىپ, 2020 جىلعى 19 جانە 20 ناۋرىزدا فرانكفۋرت اۋكتسيونى تۇرىندە تەڭگە-دوللارلىق جۇپقا ءوتىنىم بەرۋ تۋرالى شەشىم قابىلدادى» دەلىنگەن بىرلەسكەن مالىمدەمەدە.
فرانكفۋرت اۋكتسيونى تۇرىندە ساۋدا-ساتتىق وتكىزۋ تۋرالى شەشىم كليەنتتەردىڭ قولدا بار وتىنىشتەرىن قاناعاتتاندىرۋعا جانە ۆاليۋتا نارىعىنداعى جاعدايدى تۇراقسىزداندىرۋعا جول بەرمەيدى.
فرانكفۋرت اۋكتسيونى تۇرىندە ساۋدا-ساتتىق وتكىزۋ تۋرالى شەشىم كليەنتتەردىڭ قولدا بار وتىنىشتەرىن قاناعاتتاندىرۋعا جانە ۆاليۋتا نارىعىنداعى جاعدايدى تۇراقسىزداندىرۋعا جول بەرمەيدى. بۇدان ءارى ساۋدا رەجيمى تۋرالى اقپارات كوپشىلىككە قول جەتىمدى بولادى.
فرانكفۋرت اۋكتسيونى دەگەنىمىز - بەلگىلى ءبىر ۋاقىتقا وتىنىمدەر بيرجالىق ساۋدا جۇيەسىنە ەنگىزىلەتىن, ونىڭ سوڭىندا وسى وتىنىمدەردىڭ بارلىعى نەمەسە ءبىر بولىگى كەسىمدى باعامەن قاناعاتتاندىرىلاتىن ساۋدا ءادىسى.
