قر پرەزيدەنتىنىڭ «قازاقستان رەسپۋبليكاسىندا توتەنشە جاعداي جاريالاۋ» جارلىعىن ورىنداۋ ماقساتىندا, كوروناۆيرۋس ينفەكتسياسىنىڭ تارالۋىمەن كۇرەسۋ شتابىنىڭ شەشىمىمەن جانە الماتى قالاسىنداعى باس مەملەكەتتىك سانيتارلىق دارىگەردىڭ 18.03.2020 ج. №8 ۇكىمىمەن قالا ايماعىندا كارانتين جاريالاندى. جاڭا كارانتيندىك جاعدايعا سايكەس قالا ىشىندەگى تۇرعىنداردىڭ ءومىرى مەن شارۋاشىلىق جانە باسقا دا «ارنايى» رەجيمگە وتەدى.
ينفەكتسيانى جۇقتىرعاندار تۇراتىن پاتەرلەر وقشاۋلانىپ, بارلىق اۋدانى زالالسىزداندىرىلادى.
اتاپ وتەتىن جايت, بارلىق مەنشىك ۇلگىسىندەگى كاسىپورىندار مەن مەكەمەلەر COVID-19 ۆيرۋسىن جۇقتىرعاندارمەن بايلانىسىپ, وقشاۋدا قالعان ازاماتتاردىڭ جۇمىس ورنى مەن ەڭبەككە جارامسىزدىق پاراعى بويىنشا جاردەماقىسىن تولەۋگە مىندەتتى.
شەكتەۋ نەمەسە تەكسەرۋ شارالارىن وتكىزۋ بارىسىندا ساقتىق شارالارىنا ەرەكشە ءمان بەرىلەدى. قالالىق ارنايى قىزمەت مەكەمەلەرىنىڭ وكىلدەرى جەكە باستى قورعاۋ قۇرالارىمەن جابدىقتالىپ, بلوك-پوستتاردا تازالىق ساقتاۋ قۇرىلعىلارى ورناتىلادى.
سونىمەن قاتار, ءۇي كارانتينىن ساقتاماعاندار قر زاڭناماسىنا سايكەس جاۋاپقا تارتىلادى. قالا بيلىگى تۇرعىنداردى توتەنشە جاعداي رەجيمىنە تۇسىنۋشىلىكپەن قاراپ, تارتىپكە باعىنىپ, اسا قاتتى قاجەتتىلىكسىز سىرتقا شىقپاي, بارلىق ساقتىق شارالارىن ورىنداپۋعا شاقىرادى.
كوروناۆيرۋس جۇقتىرعاندارمەن بايلانىستا بولعاندار:
- تۇرعىلىقتى مەكەنىندە نەمەسە جۇمىس ورنىندا ۆيرۋس جۇقتىرۋشىمەن سوڭعى كەزدەسكەن ۋاقىتتان باستاپ ينكۋباتسيالىق كەزەڭ بويىنا (14 كۇن ) ءوزىن-ءوزى وقشاۋلاۋ رەجيمىن قاتاڭ ساقتاۋ ء(ۇي كارانتينى, سىرتقا شىعۋعا تىيىم سالىنادى) قاجەت
- جانۇيا مۇشەرىنىڭ دەنساۋلىعىن ءجىتى باقىلاۋدا ۇستاعان دۇرىس
- جرۆي (دەنە قىزۋى, تۇماۋ, جوتەل) بەلگىلەرى بايقالعان جاعدايدا جەدەل جاردەم گاقىرۋى ءتيىس
سۇراقتار بويىنشا تاۋلىك بويى قىزمەت كورسەتەتىن كولل-تسەنتر – 1406 جانە Open Almaty – 1308 نومىرلەرىنە حابارلاسۋعا بولادى. ەگەر اۋرۋدىڭ اسقىنعان بەلگىلەرى انىقتالعان جاعدايدا جەدەل تۇردە 382-33-50 ءنومىرى بويىنشا قالانىڭ سانيتارلىق-ەپيدەميولوگيالىق قىزمەتىنە حابارلاسا الاسىزدار.
رەسمي اقپاراتتاردى الماتى قالاسى اكىمدىگى سايتى مەن الەۋمەتتىك جەلىدەگى پاراقشالارىنان الۋعا بولادى. قوسىمشا اقپارات StopcovAlmaty تەلەگرام پاراقشاسىنان تاباسىززدار.
ەسكە سالايىق, 19 ناۋرىزدان باستاپ نۇر-سۇلتان مەن الماتى قالالارىندا كارانتين جاريالاندى. قالاعا تۇرعىنداردىڭ كىرىپ-شىعۋى شەكتەلدى.
الماتى
