وبلىس پەن قالا شەكتەسەتىن جەردە بارلىعى 27 بەكەت ورناتىلدى. مۇندا پوليتسيا مەن قورعانىس مينيسترلىگىنىڭ اسكەري قىزمەتشىلەرى, تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتىنىڭ, فيتو- جانە ۆەتەريناريالىق باقىلاۋ دەپارتامەنتىنىڭ ماماندارى قىزمەتىن باستادى.
جالپى قىزمەت كورسەتۋ ءۇشىن قاجەتتىنىڭ ءبارى بار. كەزەكشىلىك بىرنەشە اۋىسىم بويىنشا ۇيىمداستىرىلىپ, جۇرگىزىلمەك. الماتى وبلىسىنداعى ارىپتەستەرىمىز رەسپۋبليكالىق ماڭىزى بار بارلىق تراسسالار مەن ەلدى-مەكەندەردەن شىعاتىن جولدارعا قالا شەكاراسىنان بەس شاقىرىم راديۋستا قوسىمشا بلوك-بەكەتتەر قويدى. بۇل – وبلىس تۇرعىندارىنا قالانىڭ جابىلعانى تۋرالى ەسكەرتۋ ءۇشىن جاسالعان.
كوروناۆيرۋس ىندەتىنىڭ شەگى جوق. پاندەمياعا توتەپ بەرۋدىڭ جالعىز جولى – تارالۋ تىزبەگىن توقتاتۋ. قالانى جابۋ – سونداي شارانىڭ ءبىرى عانا. قالادا جۇقتىرۋ وشاعى انىقتالعان ايماق بىردەن وقشاۋلاۋعا الىنادى. قالا مەن كورشىلەس وبلىس تۇرعىندارىنىڭ نازارىنا تىنىشتىقتى ساقتاپ, بەلگىلەنگەن ەرەجەنى ساقتايىق دەگىم كەلەدى. سابىر ساقتاپ, شىدامدىلىق تانىتايىق. بۇل قيىندىقتى بىرگە ەڭسەرەيىك.
الماتى
