«18 مامىرعا دەيىن جاعدايدىڭ قانداي بولاتىنىن ەشكىم ءدوپ باسىپ ايتا المايدى. دەسە دە, قازىرگى تاڭدا ەنگىزىلگەن شەكتەۋلەردىڭ سالدارىنان ءبىز تىڭعىلىقتى دايىندىق جۇرگىزە المايمىز. سول سەبەپتى, جارىستى وتكىزۋ مەرزىمىن كەيىنگە شەگەرۋدى ءجون سانادىق. ءبىز جاۋاپكەرشىلىكتى سەزىنەمىز جانە بارشامىزدىڭ قاۋىپسىزدىگىمىز ءۇشىن بىرگە جۇمىس ىستەۋىمىز كەرەك», دەيدى فرانتسيا تەننيس فەدەراتسياسىنىڭ پرەزيدەنتى بەرنارد دجۋديچەللي.
ەندى تەننيستەن فرانتسيا اشىق چەمپيوناتى 20 قىركۇيەك پەن 4 قازان ارالىعىندا وتەدى. ۇيىمداستىرۋشىلاردىڭ ايتۋىنشا, جانكۇيەرلەر ساتىپ العان بيلەتتەرىن قايتارۋى نەمەسە كۇزدە وتەتىن جارىس بيلەتىنە اۋىستىرۋلارىنا بولادى.
ايتا كەتەيىك, بۇعان دەيىن كاسىپقوي تەننيس اسسوتسياتسياسى ATP جارىستارىن 20 ساۋىرگە دەيىن, ال ايەلدەر تەننيسى اسسوتسياتسياسى WTA باسەكەلەرىن 2 مامىرعا دەيىن توقتاتقان بولاتىن.
