الماتى قالاسىنىڭ وڭىرلىك كوممۋنيكاتسيالار قىزمەتىنىڭ الاڭىندا ءوتىپ جاتقان ونلاين-بريفينگتە «وسى ۋاقىتقا دەيىن ماسكالارعا قانشا قاراجات جۇمسالدى؟» دەگەن جۋرناليستەر سۇراعىنا قالا اكىمىنىڭ ورىنباسارى تومەندەگىدەي جاۋاپ بەردى.
– وسى ۋاقىتقا دەيىن مەملەكەتتىك قىزمەتكەلەر, دارىگەرلەر, پوليتسەيلەر قاجەتتى ماسكالاردى ءوز ەسەبىنەن ساتىپ الدى. ونىڭ تولىق ەسەبى مەندە جوق. بىراق جالپى نارىقتى قامتاماسىز ەتۋ بويىنشا بيۋدجەتتەن قاراجات جۇمسالمايدى. بۇل جەكە وندىرۋشىدەن تىكەلەي تۇتىنۋشىعا ءدارىحانالار ارقىلى تاراتىلىپ وتىر. قازىر قالاداعى دارىحانالارعا كۇنىنە 80 مىڭ دانا ماسكا تاراتىلادى.دەمەك, 80 مىڭ دانا تاراتۋ ءۇشىن ورتا ەسەپپەن 8 ميلليون تەڭگەدەي جۇمسالادى, – دەدى ساپاربەك تۇياقباەۆ.
سونىمەن بىرگە قالا اكىمىنىڭ ورىنباسارى كارانتين كەزىندە قانداي دا ءبىر كاسىپكەر زيان شەگەتىن بولسا, وعان قوسىمشا قولداۋ كورسەتىلەتىنىن جەتكىزدى. مۇنداي جاعدايدا كاسىپكەردىڭ كرەديت تولەۋ ۋاقىتى توقتاتىلىپ, سىياقى بەرىلەدى ەكەن. سونداي-اق, ساپاربەك قۇراقباي ۇلى قىزمەتكەرلەردىڭ جاپپاي جۇمىستان بوساپ قالۋىنا, جۇمىس ورىندارىنىڭ ازايۋىنا جول بەرىلمەيتىنىن, بۇعان قاتىستى بارلىق شارالار قولدانىلاتىنىن جەتكىزدى.
الماتى
