شىمكەنتتەگى مانگەلدين كوشەسى, 43/1 مەكەنجايى بويىنشا ورنالاسقان Jýsan Bank-ءتىڭ №112 بقو بولىمشەسىندەگى قىلمىستىق ارەكەت كەزىندە 1971 جىلى تۋىلعان ەر ادام ۇستالدى, ول وقۋ گراناتاسىن پايدالانىپ, كاسسادان قولما-قول اقشانى الۋ ارقىلى قىلمىس ارەكەتىن ۇيعارعان بولاتىن.
«بۇل جاعداي Jýsan Bank-ءتىڭ قىزمەتكەرلەرى جۇمىسىنا دەگەن جوعارى دايىندىق پەن كاسىبي بىلىكتىلىكپەن قارايتىنىنا تاعى ءبىر دالەلى دەۋگە بولادى. ءبىزدىڭ كليەنتتەرىمىز Jýsan Bank-ءتىڭ بولىمشەلەرىندە قاجەتتى بانكتىك قىزمەتتەردى قاۋىپسىز تۇردە قولدانا الادى, ءوزىن قاۋىپسىز سەزىنۋگە بولادى. وسىنداي كۇردەلى ۋاقىتتا ءبىز قاۋىپسىزدىك شارالارىن كۇشەيتتىك جانە بارىنە دايىنبىز», – دەدى Jýsan Bank باسقارما توراعاسى ايبەك قايىپ.
كەشەگى كۇننىڭ ەكىنشى جارتىسىندا بانك بولىمشەسىنىڭ كاسساسىنا اقشا ايىرباستاۋ ءۇشىن ءبىر ەرەسەك ادام جۇگىندى. كاسسيرگە ەر ادام ەلەكتروندى كەزەك تالونىمەن بىرگە «بومبا» دەگەن جازۋى بار قاعاز پاراعىن تاپسىردى. سودان كەيىن كاسسيردەن بارلىق قولما-قول اقشانى بەرۋدى سۇرادى, ال بارلىق وتىرعان كليەنتتەر مەن قىزمەتكەرلەرگە گراناتانى كورسەتىپ, ەشكىمنىڭ قوزعالماۋىن جانە قارسىلىق كورسەتپەۋدى تالاپ ەتتى.
بانكتىڭ قاۋىپسىزدىك ءبولىمىنىڭ قىزمەتكەرى سمايل اجىكۇلوۆ ءدال سول مەزەتتە توناۋشىمەن كەلىسسوز جۇرگىزىپ, ونىڭ ۇيعارعان ارەكەتىنەن باس تارتۋ ءۇشىن ارەكەت ەتتى. سمايل سول ءساتتى پايدالانىپ, توناۋشىنى بىردەن زالالسىزداندىرىپ, كەيىن ونىڭ وقۋ گراناتاسى-مۋلياج ەكەنىنە كوز جەتكىزدى.
دابىل تۇيمەسى سيگنالى بويىنشا بانك بولىمشەسىنە ۆەدومستۆودان تىس كۇزەت كەلىپ, پوليتسيا قىزمەتكەرلەرى شاقىرتىلىپ, توناۋشى ۇستالدى. قازىرگى ۋاقىتتا تەرگەۋشىلەر كۋاگەرلەرگە سۇراۋ سالۋ مەن دالەلدەر جيناۋ جۇمىسىن جۇرگىزىلىپ جاتىر.
بانك باسشىلىعى سمايل اجىقۇلوۆقا العىسىن بىلدىرگەن, ول كورسەتكەن باتىلدىعى مەن قىزمەتتىك مىندەتىن ءمىنسىز ورىنداعانى ءۇشىن سىياقىمەن ماراپاتتالاتىن بولادى.
