ايماقتار • 17 ناۋرىز، 2020

قىزىلوردا: احۋال تۇراقتى باقىلاۋدا

51 رەتكورسەتىلدى

ەپيدەميولوگيالىق احۋالعا بايلانىستى وڭىرلىك كوممۋنيكاتسيالار قىزمەتىندە بريفينگ ءوتىپ، وندا ءتيىستى سالا باسشىلارى وسى باعىتتا اتقارىلىپ جاتقان شارالار جايلى ايتىپ ءوتتى.

اقپان ايىنىڭ سوڭعى ونكۇندىگىنەن بەرى اۋرۋ بەلگىسى بايقالعان مەملەكەتتەردەن كەلگەن 151 ادامنىڭ 47-ءسى پروۆيزورلىق ستاتسيوناردا بولعان. ءۇي جاعدايىندا باقىلاۋعا الىنعاندارى دا بار. قازىر ولاردىڭ بارلىعى ستانتسيوناردان شىقتى. وبلىستىق جۇقپالى اۋرۋلار اۋرۋحاناسىندا گەرمانيادان بويىندا كوروناۆيرۋس بەلگىسى بار ازاماتپەن بىرگە ۇشىپ كەلگەن سەربيالىق جاتىر.

 – زەرتتەۋ ناتيجەسى ونىڭ دەرتكە شالدىقپاعانىن كورسەتتى. بىراق ول تالاپقا سايكەس ەكى اپتا بويى ءبىزدىڭ باقىلاۋىمىزدا بولادى، – دەدى وبلىستىق دەنساۋلىق ساقتاۋ باسقارماسىنىڭ باسشىسى ج.ابدۋسامەتوۆ.

وڭىردە اۋرۋ انىقتالعان جاعدايدا ناۋقاستى ەمدەۋ، ونىمەن قارىم-قاتىناس جاساعان ادامداردى باقىلاۋ ماقساتىندا قاجەتتى ورىندار جابدىقتاعان. دارىلىك پرەپاراتتار مەن قورعانىش بۇيىمدارى دا جەتكىلىكتى.  

بريفينگتە كاسىپكەرلىك نىساندار، ءبىلىم بەرۋ ۇيىمدارى، مادەني ورىنداردىڭ توتەنشە جاعداي رەجيمىندە جۇمىس ىستەۋ ءتارتىبى جايلى دا ءسوز بولدى. 

وبلىستاعى اۋماعى 2 مىڭ شارشى مەتردەن اساتىن وتىزعا جۋىق ءىرى ساۋدا الاڭدارى حالىققا تاڭعى ساعات 10.00-دەن كەشكى ساعات 18.00-گە دەيىن عانا قىزمەت كورسەتەدى. سانيتارلىق قاۋىپسىزدىك تالاپتارى قاتاڭ ساقتالادى. ساۋدا ورتالىعىنىڭ اۋماعىنداعى كينوتەاتر، بالالار ورتالىعى، ويىن-ساۋىق الاڭدارى جابىلدى.

وبلىستىق كاسىپكەرلىك جانە تۋريزم باسقارماسىنىڭ باسشىسى فەردوۋسي قوجابەرگەنوۆ وڭىردەگى 189 قوعامدىق تاماقتانۋ ورنىنىڭ جۇمىس رەجيمى قاتاڭ باقىلاۋدا تۇرعانىن ايتتى. توي-تومالاق وتكىزۋگە تىيىم سالىنۋىنا بايلانىستى تويحانالار جۇمىسىنا دا شەكتەۋ قويىلعان.

 

سوڭعى جاڭالىقتار

ەلدىك نىشاندار تاريحى

قازاقستان • بۇگىن، 18:14

اتىراۋ: ءۇي قاماققا قامالعان قىز

ايماقتار • بۇگىن، 18:00

بيىل اۋىلعا تابيعي گاز جەتەدى

ايماقتار • بۇگىن، 14:29

ۇقساس جاڭالىقتار