جارىس ناتيجەسى بويىنشا ءبىزدىڭ سپورتشىلار 4 التىن جانە 2 كۇمىس مەدال جەڭىپ العان. بۇل جارىستارعا دايىندىق ءبىر ايدان استام ۋاقىتقا سوزىلدى. سپورتشىلار كوپ دايىندالىپ, جاتتىقتى. بۇگىن چەمپيونداردى تەمىرجول ۆوكزالىنىڭ پەررونىندا جاقىندارى مەن قالا باسشىلىعىنىڭ وكىلدەرى قارسى الدى.
– ءبىزدىڭ كوماندا جاقسى ونەر كورسەتتى. شىعىس قازاقستان وبلىسىنىڭ كومانداسى قۇرامىندا توعىز سپورتشىنىڭ سەگىز سپورتشىسى سەمەيدەن بولدى. جالپى كوماندا 4 التىن, 2 كۇمىس جانە ءبىر قولا مەدال الىپ كەلدى. قولانى وسكەمەن سپورتشىسى جەڭىپ الدى. جارىس وتە ناتيجەلى ءوتتى, كوماندا لايىقتى ونەر كورسەتتى. قارسىلاستار اسا كوپ بولعان جوق, تورەشىلەر نەگىزىنەن تەحنيكاعا قارادى. سپورتشىلار بارلىق قازاقستاننان جينالعان, بىراق ءبىزدىڭ سپورتشىلار وزدەرىن وتە لايىقتى كورسەتتى, - دەيدى سەمەي كومانداسىنىڭ وكىلى اندرەي موسكالەۆ.
تاجىريبەلى سپورتشىلارمەن قاتار كوماندا قۇرامىندا جاڭادان كەلگەن سپورتشىلار دا بولدى. ولار ءۇشىن بۇل تۋرنير ءبىرىنشى جانە ەڭ ماڭىزدى جارىس بولىپ تابىلدى, دەدى سەمەي اقپاراتتىق ورتالىعىنىڭ ماماندارى.
– بۇل مەنىڭ العاشقى جارىسىم, سوندىقتان دا وتە قيىن بولدى. مەن نە كۇتەتىنىمدى جانە مۇنىڭ ءبارى قالاي بولاتىنىن بىلمەدىم. قانداي اسەر العانىمدى دا سيپاتتاي الماي وتىرمىن. قول دىرىلدەپ, ك ۇلىمسىرەپ ءجۇردىم. ءبىزدىڭ جاتتىقتىرۋشىلارىمىزعا العىسىمدى بىلدىرگىم كەلەدى. ولار بىزگە وزىمىزگە سەنىمدىلىك بەرىپ جۇرگەندەرى ءۇشىن. وسىلايشا ءبىز ولاردى جەتىستىكتەرىمىزبەن قۋانتۋعا تىرىسامىز. جارىستا ەكىنشى ورىن الدىم, بىراق كەلەسى جولى, ودان دا جاقسى دايىندالىپ, التىن الامىن دەپ ويلايمىن, - دەپ ءتۋرنيردىڭ كۇمىس جۇلدەگەرى رومان ليوسس ءوز اسەرىمەن ءبولىستى.
سونىمەن قاتار, سپورتشىلار سەمەي قالاسىنىڭ اكىمى ەرماك ءسالىموۆ پەن كوپبالالى وتباسى بالالارى مەن مۇمكىندىگى شەكتەۋلى ادامدار ءۇشىن سپورت زالدارىندا تەگىن اينالىسۋعا مۇمكىندىك بەرىپ وتىرىپ, قالا سپورتىن دامىتۋعا ەلەۋلى ۇلەس قوسىپ كەلە جاتقان ء ماسليحات دەپۋتاتى اندرەي التايباەۆقا العىسىن ءبىلدىردى.
