ايماقتار • 11 ناۋرىز، 2020

پوليتسەيلەر مەن دارىگەرلەر كوروناۆيرۋس بويىنشا وقۋ-جاتتىعۋ وتكىزدى

52 رەتكورسەتىلدى

پوليتسەيلەر، دارىگەرلەر مەن ەپيدەميولوگتار كوروناۆيرۋستىڭ پايدا بولۋى مۇمكىن جاعدايلارعا دايىندىق بويىنشا تەوريالىق جانە پراكتيكالىق وقۋ-جاتتىعۋلار وتكىزدى دەپ حابارلايدى Polisia.kz

كارانتيندىك ءىس-شارالار بولعان جاعدايدا پوليتسيانىڭ جەكە قۇرامى ينفەكتسيالىق ستاتسيونارلاردا قوعامدىق ءتارتىپتى ساقتاۋدى ۇيىمداستىرادى. ءۇي كارانتينىنىڭ ساقتالۋىن، سونداي-اق قاۋىپتى ادامداردى قاداعالاۋدى جۇزەگە اسىرادى.

قوستاناي وبلىسى تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتىنىڭ اسا قاۋىپتى ەپيدەميولوگيالىق ينفەكتسيالار مەن تۋبەركۋلەزدى قاداعالاۋ ءبولىمىنىڭ باسشىسى ليۋدميلا نالوبينا ازىرگە الاڭداۋشىلىق جوق ەكەنىن اتاپ ءوتتى.

– وبلىستا تۇماۋ مەن جرۆي-ءدىڭ ماۋسىمدىق ءورشۋى بايقالۋدا، ۇلكەن قاۋىپ جوق. بىراق جوعارى قاۋىپ جاعدايىندا بارلىق ساقتىق شارالارىن ۇستانۋ قاجەت. وڭىرگە ينفەكتسيا تارالعان جاعدايدا وسى مايداننىڭ الدىڭعى جاعىندا دارىگەرلەر مەن پوليتسيا ساقتىق شارالارعا دايىن بولادى. سوندىقتان ءبىز قازىر وبلىستىڭ بارلىق وڭىرلەرى بويىنشا بىرلەسكەن ءىس – قيمىلداردى پىسىقتاۋ ءۇشىن وقۋ-جاتتىعۋ وتكىزەمىز، – دەپ اتاپ ءوتتى ل. نالوبينا.

وبلىستا مۇنداي جاعداي تۋىنداعان جاعدايدا قاجەتتى كوستيۋمدەر مەن قورعانىش ماسكالارى بار.

ەستەرىڭىزگە سالا كەتەيىك، جاقىندا ەلىمىزدىڭ باس سانيتار دارىگەرى جانداربەك بەكشين كوروناۆيرۋس قازاقستاندا جاقىن ارادا پايدا بولۋى مۇمكىن دەپ مالىمدەدى.

– ءبىزدىڭ بولجامىمىز بويىنشا، 11-16 ناۋرىز ارالىعىندا ەلىمىزدە كوروناۆيرۋس پايدا بولۋى مۇمكىن.بىراق بۇل بولجام. ەلىمىزدە كوروناۆيرۋس انىقتالعاننان كەيىن ۇكىمەت بىردەن ارنايى ءىس – شارالار وتكىزەدى، – دەدى ول.

دارىگەرلەردىڭ مالىمدەۋىنشە  كوروناۆيرۋستىڭ نەگىزگى بەلگىلەرى – جوتەل، جوعارى تەمپەراتۋرا، دەمىكپە، قۇسۋ. سيمپتومدار انىقتالعان جاعدايدا دارىگەردى ۇيگە شاقىرۋ قاجەت.

الدىن الۋدىڭ نەگىزگى شارالارى :

– قولدى جانە بەتتى سابىنمەن ءجيى جانە مۇقيات جۋ;

– سپيرتتىك انتيسەپتيكتەردى قولدانۋ قاجەت;

– ادامدار كوپ جينالاتىن جەردەن اۋلاق بولۋ;

– سىرقات ادامدارمەن قاتىناستا بولماۋ.

سوڭعى جاڭالىقتار

ەرلىكتى دارىپتەيتىن قوماقتى قور

رۋحانيات • 05 ماۋسىم، 2020

ۇقساس جاڭالىقتار