اتالعان كاسىپورىنداردا كۇن سايىن مۇناي مەن گاز ءوندىرۋدىڭ تۇراقتىلىعىن قامتاماسىز ەتىپ, ەلىمىزدىڭ مۇناي-گاز سالاسىنىڭ دامۋىنا جانە ەكونوميكانىڭ نىعايۋىنا ەلەۋلى ۇلەس قوسىپ جۇرگەن ونداعان مىڭ جۇمىسشى ەڭبەك ەتەدى. ۇجىمداردىڭ ۇيلەسىمدى جۇمىسى تەك ءوڭىردىڭ الەۋمەتتىك-ەكونوميكالىق دامۋىنا عانا ەمەس, مەملەكەتتىڭ ەنەرگەتيكالىق قاۋىپسىزدىگىن قامتاماسىز ەتۋگە دە تىكەلەي سەپتىگىن تيگىزىپ وتىر.
ەڭبەك ۇجىمدارى جۇرگىزىلىپ جاتقان كونستيتۋتسيالىق وزگەرىستەردىڭ ماڭىزدىلىعىن جانە ولاردىڭ رەسپۋبليكانىڭ الداعى دامۋى ءۇشىن ستراتەگيالىق ءمانى بار ەكەنىن اتاپ ءوتتى.
ء«بىز ەلىمىزدىڭ بولاشاعى, تۇراقتىلىق, بىرلىك, زاڭ مەن ءتارتىپ ءۇشىن داۋىس بەرەمىز. مەملەكەتتىلىكتى نىعايتۋعا, قوعامدى دامىتۋعا جانە ءاربىر ازاماتتىڭ جاۋاپكەرشىلىگىن ارتتىرۋعا باعىتتالعان باستامالاردى قولدايمىز. ماڭعىستاۋ وبلىسىنىڭ مۇناي كاسىپورىندارىنىڭ ۇجىمدارى جاڭا كونستيتۋتسيانى قولداي وتىرىپ, بارشانى ازاماتتىق ۇستانىمىن تانىتۋعا جانە الداعى رەفەرەندۋمدا داۋىس بەرۋگە شاقىرادى», دەپ اتاپ ءوتتى كاسىپورىن وكىلدەرى.
مۇناي-گاز سالاسىنىڭ قىزمەتكەرلەرى جاڭا كونستيتۋتسيانىڭ قابىلدانۋى تۇراقتى ەكونوميكالىق ءوسۋدىڭ, الەۋمەتتىك ادىلدىكتىڭ جانە مەملەكەت تاۋەلسىزدىگىن نىعايتۋدىڭ بەرىك نەگىزى بولاتىنىنا سەنىمدى.
