الەم • 10 ناۋرىز، 2020

كوروناۆيرۋس: يتاليا ۇكىمەتى ەلدى كارانتينگە جابادى

113 رەتكورسەتىلدى

يتاليا پرەمەر-ءمينيسترى دجۋزەپپە كونتە كوروناۆيرۋستىڭ تارالۋىنا بايلانىستى جاڭادان قابىلدانعان توتەنشە شارالار تۋرالى مالىمدەمە جاسادى. بۇل تۋرالى Euronews.com حابارلادى.

بۇدان بىلاي ءازاماتتار وز ۇيلەرىنەن ەشقايدا شىقپاۋى تيىس، بۇقارالىق ءىس-شارالار وتكىزۋگە تىيىم سالىنادى، ال وقۋ ورىندارى تۇگەلدەي جابىلدى.

«ەڭ دۇرىس شەشىم - ۇيدە وتىرۋ. يتاليانىڭ بولاشاعى - ءبىزدىڭ قولىمىزدا.ء بىز بۇعان دەيىن تەك لومبارديا مەن كەيبىر پروۆينتسيالاردا قابىلدانعان ساقتىق شارالارىن ەندى ەلدىڭ بۇكىل اۋماعىنا قولدانۋ تۋرالى شەشىمگە كەلدىك»، - دەپ اتاپ ءوتتى يتاليا پرەمەر-ءمينيسترى دجۋزەپپە كونتە.

بۇگىندە ەلدەگى مۇراجايلار، كىتاپحانالار، باسسەيندەر مەن بارلار تۇگەلدەي جابىق. جاڭا شەكتەۋلەر 10 ناۋرىزدا كۇشىنە ەنەدى جانە 3 ساۋىرگە دەيىن جالعاسادى.

ايتا كەتسەك، تەك سوڭعى تاۋلىكتە يتاليادا كوروناۆيرۋستان 97 ادام قايتىس بولدى. اتالمىش ۆيرۋستان كوز جۇمعانداردىڭ جالپى سانى 463 ادامعا جەتىپ وتىر. ال اۋرۋ جۇقتىرعاندار سانى 9 مىڭنان اسىپ كەتتى. بۇگىندە قاۋىپتى ىندەتتىڭ تارلاۋى جاعىنان بۇل ەل الەمدە قىتايدان كەيىن ەكىنشى ورىندا تۇر. ءولىم دەڭگەيى بويىنشا، شامامەن 5%،ء بىرىنشى ورىنعا شىعىپ وتىر.

سوڭعى جاڭالىقتار

عاسىر زۇلماتى

قوعام • كەشە

ۇقساس جاڭالىقتار