سپيكەرلەر: ليۋدميلا بيۋرابەكوۆا – دەنساۋلىق ساقتاۋ مينيسترلىگى تاۋارلار مەن قىزمەتتەردىڭ قاۋىپسىزدىگىن باقىلاۋ كوميتەتىنىڭ توراعاسى; ارنۇر نۇرتاەۆ – دارىلىك زاتتار مەن مەديتسينالىق بۇيىمداردى ساراپتاۋ ۇلتتىق ورتالىعىنىڭ باس ديرەكتورى; ديناگۇل باەشەۆا – جەتەكشى ينفەكتسيونيستى; مارينا دۋرمانوۆا – فارماتسەۆتيكالىق قىزمەتتى قولداۋ جانە دامىتۋ قاۋىمداستىعىنىڭ پرەزيدەنتى; گۇلميرا مۇحامەدجانوۆا – مەديتسينالىق بۇيىمداردى وندىرۋشىلەر قاۋىمداستىعىنىڭ توراعاسى.
سپيكەرلەردىڭ اقپاراتى بويىنشا, اقپان ايىنىڭ باسىندا ءدارىحانالاردىڭ بولشەك جەلىلەرىندەگى مەديتسينالىق ماسكالاردىڭ قالدىعى 9 ميلليوننان استام بىرلىكتى قۇرادى, بۇل رەسپيراتورلىق اۋرۋلاردى قورعاۋ جانە الدىن الۋ قۇرالدارىنا حالىقتىڭ قاجەتتىلىگىن قامتاماسىز ەتتى. الايدا, ءدارىحانالاردىڭ بولشەك جەلىلەرىندەگى كوروناۆيرۋستىق ينفەكتسيا توڭىرەگىندەگى دۇرلىگۋگە بايلانىستى قالدىق 1 ميلليونعا جۋىق بىرلىكتى قۇرايدى جانە ولارعا قاجەتتىلىك 30 ميلليونعا دەيىن ۇلعايدى.
بۇگىنگى كۇنى وتاندىق وندىرۋشىلەردىڭ مەديتسينالىق ماسكالار ءوندىرىسىنىڭ ايلىق كولەمى 6 ملن-نان استام بىرلىكتى قۇرايدى. مەملەكەتتىك مەديتسينالىق مەكەمەلەر ءبىرىنشى كەزەكتە الۋشىلار بولىپ تابىلادى. ماسكالاردى جاپپاي ساتىپ الۋعا بايلانىستى ۆەدومستۆوارالىق كوميسسيا ەلدەن ولاردىڭ ەكسپورتىنا تىيىم سالدى. بۇگىنگى كۇنى تىيىم سالىنعان.
سپيكەرلەر مەديتسينالىق ماسكالار اۋرۋ جۇقتىرعاننان اۋرۋدىڭ تارالۋىن بولدىرماۋ ءۇشىن ارنالعانىن اتاپ ءوتتى. دەنى ساۋ ادامدارعا مەديتسينالىق ماسكا كيۋ قاجەت ەمەس.
«بىرىنشىدەن, ماسكالار ءاردايىم دۇرىس كيىلمەيدى. ەكىنشىدەن, ماسكانى ادامدار ۇنەمى قولدارىمەن تۇزەتەدى,ولار بۇعان دەيىن ورتاق پايدالانۋ زاتتارىنا تيگەن. وسىلايشا ولار اۋرۋ قاۋپىن ارتتىرادى», - دەدى ا. نۇرتاەۆ.
قازاقستاننىڭ جەتەكشى ينفەكتسيونيستى ديناگۋل باەشەۆا باستى الدىن الۋ قۇرالى جەكە گيگيەنا ەرەجەلەرىن ساقتاۋ, كوروناۆيرۋستىق ينفەكتسيا اۋرۋى بار ادامدار مەن ەلدەردىڭ جاپپاي جينالاتىن ورىندارىنا بارۋدى شەكتەۋ بولىپ تابىلاتىنىن اتاپ ءوتتى.
