كەزدەسۋگە سەناتورلار ولگا پەرەپەچينا, سەرىك جاقسىبەكوۆ, ەلىمىزدىڭ قارجى ءمينيسترىنىڭ ورىنباسارى رۋسلان بەكەتاەۆ, ەقدب-نىڭ تاۋەكەلدەردى باسقارۋ جانە باقىلاۋ جونىندەگى ۆيتسە-پرەزيدەنتى انناماريا شترااتوف, ەقدب-نىڭ ورتالىق ازيا جونىندەگى باسقارۋشى ديرەكتورى اندرە كۋسۆەك, ەقدب-نىڭ قازاقستان رەسپۋبليكاسىنداعى كەڭسەسىنىڭ ديرەكتورى اگريس پرەيمانيس قاتىستى.
د.نازارباەۆا قۇتتىقتاۋ سوزىندە ەۋروپالىق قايتا قۇرۋ جانە دامۋ بانكى ەلىمىزدىڭ ماڭىزدى ارىپتەسى بولىپ تابىلاتىنىن اتاپ ءوتتى جانە قازاقستانعا ەكونوميكانى جاڭعىرتۋ مەن قازاقستاندىقتاردىڭ ءال-اۋقاتىن ارتتىرۋعا باعىتتالعان باعدارلامالاردى ىسكە اسىرۋداعى بانكتىڭ قارقىندى قولداۋىنىڭ ماڭىزىن اتاپ ءوتتى.
«27 جىل ىشىندە بانك 237 جوباعا 9 ملرد دوللاردان استام قارجى ءبولدى. بۇل زور جەتىستىك. ينفراقۇرىلىم, دەنساۋلىق ساقتاۋ, جاسىل ەكونوميكا سالاسىندا كوپتەگەن ماڭىزدى جوبالار بولاشاققا جوسپارلانعان», - دەدى د.نازارباەۆا.
ەقدب پرەزيدەنتى بانك وكىلدەرى كەلگەن ەلدەردىڭ پارلامەنتتەرىمەن ءوزارا تىكەلەي قارىم-قاتىناستارىنىڭ ماڭىزدى ەكەنىن اتاپ ءوتتى.
«ماعان بۇگىن سىزدەرمەن كەزدەسۋ ماڭىزدى ءارى مازمۇندى بولدى. قازاقستان بانكتىڭ الداعى 5 جىلعى ستراتەگياسى ورتالىق ازياعا ارنالۋى ءۇشىن جۇمىس ىستەيدى دەگەن ءۇمىت بار. اتقارىلاتىن اۋقىمدى ىستەرمەن بىرگە كوپتەگەن وتەتىن تار جولدار دا بار, ولاردى جويۋ كەرەك» - دەپ اتاپ ءوتتى س.چاكرابارتي.
س.چاكرابارتي قازاقستانعا ەلدىك باستامانى دامىتۋ ماڭىزدى ەكەنىن اتاپ وتە كەلىپ: «مەنىڭ ويىمشا, قازاقستانداعى جوبالاردى قارجىلاندىرۋ جونىندەگى ءبىزدىڭ يدەيالارىمىزدى قالىپتاستىرۋعا ۇكىمەت پەن پارلامەنت اتسالىسۋى ءتيىس», - دەدى.
د.نازارباەۆا اڭگىمە بارىسىندا جاقىندا وتكەن اۋىل شارۋاشىلىعىن دامىتۋ ماسەلەلەرى بويىنشا پارلامەنتتىك تىڭداۋلار تۋرالى ايتىپ, سالانى باسقارۋ, اۋىل شارۋاشىلىعى ونىمدەرىن وندىرۋشىلەردى قارجىلاندىرۋ تۇرعىسىندا كوپتەگەن ولقىلىقتار انىقتالعانىن اتاپ ءوتتى.
«بىزگە ساراپتامالىق قولداۋ قاجەت. ءبىز اۋىل شارۋاشىلىعى كەشەنىن دامىتۋ بويىنشا جۇمىس ىستەيتىن ارنايى كەڭەس قۇرۋ تۋرالى شەشىم قابىلدادىق. ەكونوميكانىڭ بارلىق سەكتورلارى بويىنشا زاڭنامالىق قولداۋ, نورماتيۆتىك-قۇقىقتىق تۇرعىدا قانداي ولقىلىقتار بار ەكەنىن انىقتاۋ ءۇشىن تىڭداۋلار وتكىزىلەتىن بولادى», - دەدى سەنات باسشىسى.
ەكى جاقتى كەزدەسۋدەن كەيىن ەقدب پرەزيدەنتى جالپى وتىرىس زالىندا سەنات دەپۋتاتتارىنىڭ الدىندا ءسوز سويلەپ, بانك قازاقستاندا ىسكە اسىرعان نەگىزگى جوبالار تۋرالى اڭگىمەلەدى. ونىڭ ىشىندە قازاقستاننىڭ بارلىق ايماقتارىندا ەقدب كەڭسەلەرىنىڭ اشىلۋى, 9,3 ملرد دوللار ينۆەستيتسيا تارتۋ, جاڭارتىلاتىن ەنەرگيا كوزدەرىنە 3 ملن دوللار ينۆەستيتسيا سالۋ, ايەلدەر كاسىپكەرلىگىنە بايلانىستى جوبالار بار. س.چاكرابارتي سونىمەن قاتار ەكونوميكانى ءارتاراپتاندىرۋ, ەكونوميكانىڭ باسقا سەكتورلارىن, بانك سالاسىن قولداۋ جانە كومەك كورسەتۋ تاقىرىپتارىن قوزعادى.
ەقدب پرەزيدەنتى سوزىنەن كەيىن ەكونوميكالىق ساياساتتىڭ وزەكتى ماسەلەلەرى جونىندە پىكىر الماسىلدى.
دەپۋتات سەرگەي پلوتنيكوۆ شەتەلدىك ينۆەستورلار كەڭەسىن قۇرۋ ارقاسىندا قازاقستان ەكونوميكاسىنا كەلىپ تۇسكەن ميللياردتاعان ينۆەستيتسيا تاقىرىبىن كوتەردى جانە مەملەكەتتىك ورگاندارمەن ىنتىماقتاستىقتى دامىتۋدىڭ كەلەشەگى مەن قازاقستانداعى ىسكەرلىك احۋالدى جاقسارتۋ شارالارى تۋرالى سۇراق قويدى.
سەناتور داۋرەن ادىلبەكوۆ سالىنعان ينۆەستيتسيالاردىڭ تيىمدىلىگىن باعالاۋ تاقىرىبىن قوزعادى جانە ەقدب-نىڭ قازاقستاننىڭ بانك جۇيەسىن جەتىلدىرۋ جونىندەگى ۇسىنىمدارى تۋرالى سۇراق قويدى.
س. چاكرابارتي سۇراقتارعا جاۋاپ بەرە كەلىپ, ەقدب-دىڭ الداعى 5 جىلدىق ستراتەگياسى بانك سالاسىن ىلگەرىلەتەتىنىن اتاپ ءوتتى. «بانك سەكتورى ەكونوميكالىق قايتارىمىمەن باعىتتار بويىنشا بارىنشا نىسانالى تۇردە جۇمىس ىستەۋى ءتيىس. ەقدب قازىرگى ۋاقىتتا شاعىن جانە ورتا بيزنەس كاسىپورىندارىن نەسيەلەۋگە باسا نازار اۋدارادى», - دەپ اتاپ ءوتتى ول.
سەناتور سەرىك جاقسىبەكوۆ ءوز سوزىندە ەقدب-مەن بىرلەسىپ شيكىزاتتى قايتا وڭدەۋ جوباسىن قۇرۋدى ۇسىندى.
داريعا نازارباەۆا كەزدەسۋدى قورىتىندىلاي كەلىپ, كاسىبي تۇردەگى پىكىردىڭ ماڭىزدىلىعىن اتاپ ءوتتى جانە تاۋەلسىزدىك جىلدارى مەملەكەت شاعىن جانە ورتا بيزنەستى قولداۋعا كۇش سالعانىنىنا توقتالدى.
«كوپتەگەن قارجى ءبولىندى, كوپتەگەن جاقسى زاڭدار قابىلداندى, دەگەنمەن بۇگىندە وسى شارالاردىڭ ءبارى سالانى قارقىندى دامىتتى ءارى وزدەرىن ورتا ساناتقا جاتقىزا الاتىن ادامداردىڭ سانىن ارتتىرا ءتۇستى دەپ ايتۋ قيىن. ءبىز جۇيەلى ءتاسىلدىڭ جوق ەكەنىنە كوز جەتكىزدىك, تەك ەتەك العان وتكىر پروبلەمانى «سوندىرۋگە» باعىتتالعان ۇزدىك-ۇزدىك شەشىمدەر عانا بولىپ وتىر. ءبىز ءبىر «ورتتەن» ەكىنشىسىنە جىلجىپ كەلەمىز, بىراق بۇل سالانىڭ پروبلەماسىن جۇيەلى تۇردە شەشە الماي وتىرمىز», - دەدى ول.
د.نازارباەۆا دەپۋتاتتار اتىنان ەقدب جوبالارىنا قولداۋ بىلدىرە كەلىپ, شاعىن جانە ورتا بيزنەستى دامىتۋ ماسەلەلەرى بويىنشا بانكپەن ءوزارا ءىس-قيمىلدى جالعاستىرۋعا ءازىر ەكەنىن جەتكىزدى.
