باسقوسۋدا تاراپتار ساۋدا-ەكونوميكالىق ءوزارا ءىس-قيمىلدىڭ وزەكتى ماسەلەلەرى بويىنشا پىكىر الماستى.
شاھار باسشىسى قالاداعى ينۆەستيتسيالىق جاعدايدى ودان ءارى جاقسارتۋ بويىنشا بەلسەندى جۇمىستار جۇرگىزىلىپ جاتقانىن ايتىپ, ساۋدا-ساتتىق بايلانىستاردى دامىتۋ بويىنشا تىعىز ىنتىماقتاستىق قارقىندى دامىپ وتىرعانىن جەتكىزدى.
«شىمكەنتتە قولايلى ينۆەستيتسيالىق كليمات قۇرىلعان, سونداي-اق, بيزنەستى دامىتۋدىڭ ءتيىستى جولدارى قاراستىرىلعان. شىمكەنتتىڭ گەوگرافيالىق ورنالاسۋى, اۋا-رايى بيزنەستى جۇرگىزۋگە تاپتىرماس ورىن. ءبىز ينۆەست جوبالاردى ىسكە اسىرۋدا جۇمىلا جۇمىس ىستەيمىز دەگەن سەنىمدەمىن» دەدى مۇرات دۇيسەنبەك ۇلى.
ءوز كەزەگىندە, ەۋروپالىق وداققا مۇشە ەلدەردىڭ ەلشىلەرى شىمكەنت قالاسىندا بيزنەستى جۇرگىزۋ ءۇشىن قولايلى جاعدايلار تۋدىرۋ بويىنشا جۇمىستاردىڭ وڭ تۇستارىن اتاپ ءوتتى.
كەزدەسۋگە گەرمانيا, فرانتسيا, لاتۆيا, اۆستريا, فينليانديا, شۆەتسيا, حورۆاتيا, يسپانيا, لاتۆيا, رۋمىنيا, سلوۆاكيا, چەحيا, نيدەرلاندى ەلشىلەرى قاتىستى.
شىمكەنت
