ەستەرىڭىزگە سالا كەتەيىك, بيزنەس-پروتسەستەردى اۆتوماتتاندىرۋ جۇمىستارى وتكەن جىلى «قازاگرو» حولدينگىن ترانسفورماتسيالاۋ اياسىندا باستالعان بولاتىن. نەسيە الۋدىڭ ونلاين-ءوتىنىم جۇيەسى پيلوتتىق نەگىزدە بىلتىر حولدينگتىڭ ەنشىلەس كومپانياسى اۋىل شارۋاشىلىعىن قارجىلاي قولداۋ قورىنىڭ ەلورداداعى بولىمشەسىندە ىسكە قوسىلدى.
نەسيە الۋعا نيەت ەتكەن ازامات ءوتىنىمدى ۇيىنەن شىقپاي-اق جىبەرە الادى. بۇل اسىرەسە وبلىس ورتالىعىنان الىس ورنالاسقان شالعايداعى ەلدى مەكەندەردىڭ تۇرعىندارى ءۇشىن وتە ءتيىمدى بولماق. ويتكەنى, ءتۇرلى شىعىندار دا ەداۋىر قىسقارادى.
كليەنت ەلەكتروندى تسيفرلىق قولتاڭبانىڭ كومەگىمەن مەملەكەتتىك دەرەكقورلاردان باسقا قۇجاتتاردى سۇراتۋعا كەلىسىم بەرەدى, سونداي-اق وتىنىشكە, بيزنەس-جوسپارعا جانە نەسيە الۋ ساۋالناماسىنا قول قويۋعا مۇمكىندىگى بار. وسىنىڭ ناتيجەسىندە نەسيە الۋعا قاجەتتى قۇجاتتاردىڭ دا سانى ازايادى.
ءوتىنىم كەلىپ تۇسكەننەن كەيىن جۇيە كليەنتتىڭ نەسيە الۋ مۇمكىندىگىن جانە قورمەن بايلانىسى بار-جوعىن تەكسەرەدى.
ەگەر بۇرىن ەكى جۇمىس كۇنى ساراپتاما جۇرگىزۋگە, قورىتىندى بەرۋگە جانە ناتيجەلەردى نەسيە بولىمىنە بەرۋگە كەتەتىن بولسا, قازىر جۇيە بۇل تەكسەرۋدى بىرنەشە مينۋتتىڭ ىشىندە اۆتوماتتى تۇردە جۇزەگە اسىرادى.
سونداي-اق كليەنتتىڭ نەسيە تاريحى تۋرالى بىرنەشە مينۋت ىشىندە اۆتوماتتى تۇردە دايىن بولعان ەسەپتى الاتىن نەسيە ءبولىمنىڭ ءوتىنىمدى قاراۋ مەرزىمى دە قىسقارتىلادى. بۇل جەتىستىككە جۇيەنى «مەملەكەتتىك نەسيە بيۋروسى» اكتسيونەرلىك قوعامىمەن ينتەگراتسيالاۋدىڭ ناتيجەسىندە قول جەتىپ وتىر.
كليەنتتەردى ءوتىنىم بەرۋدىڭ جاڭا مەحانيزمدەرىنە وقىتۋ ءۇشىن ايماقتاردا ونلاين-جۇيەگە قوسىلعان كومپيۋتەرلەر ورناتىلعان. وسىلايشا, اۋىل شارۋاشىلىعىن قارجىلاي قولداۋ قورىنىڭ فيليالدارىندا مەنەدجەر-كەڭەسشىنىڭ كومەگىمەن كليەنتكە ونلاين-جۇيەنىڭ مۇمكىندىكتەرىن پايدالانۋ ۇسىنىلۋدا. ەندى قالا جانە اۋىل تۇرعىندارى جەڭىلدەتىلگەن نەسيەگە جىلدام قول جەتكىزەدى جانە قاجەتتى قۇجاتتاردى دايىنداۋعا, جيناۋعا ارنالعان شىعىندارى ازاياتىن بولادى.
