بايقاۋدىڭ ءبىرىنشى كەزەڭىندە اباي ولەڭدەرىن مəنەرلى ناقىشتا وقىپ شىققان ستۋدەنتتەر ودان كەيىنگى كەزەڭدە ابايدىڭ ءومىربايانى مەن شىعارماشىلىعى, م.اۋەزوۆتىڭ «اباي جولى» ءداۋىرناماسى بويىنشا ينتەللەكتۋالدىق سايىستا سىنعا ءتۇستى. اباي افوريزمدەرىن تəپسىرلەۋگە ارنالعان قورىتىندى كەزەڭدە بايقاۋ جەڭىمپازدارى انىقتالىپ, ولارعا ارنايى سىيلىقتار مەن ۇلى اقىننىڭ 4-تومدىق شىعارمالار جيناعى تابىس ەتىلدى.
«رۋحاني جاڭعىرۋ» ورتالىعىنىڭ ديرەكتورى الماسبەك ابسادىقتىڭ ايتۋىنشا, احاڭ اتىنداعى ءبىلىم ورداسىندا اباي الەمىن اشا تۇسۋگە ارنالعان تانىمدىق شارالار جىل بويى الۋان فورماتتا جۇيەلى تۇردە وتەدى.
-بۇل سايىستا مەن ابايدىڭ «كوك تۇمان الدىڭداعى كەلەر زامان» دەگەن ولەڭىن ناقىشىنا كەلتىرىپ وقىپ شىقتىم. بۇل ولەڭدە اقىن جان قۇمارلىعى مەن ءتان قۇمارلىعىنىڭ اراجىگىن اشىپ كورسەتىپ, وسىنىڭ بىزگە قايسىسى كەرەك؟ – دەەگن ماسەلە كوتەرەدى. ءتان – ۋاقىتشا, جان – ماڭگىلىك ەكەنىن تۇسىندىرەدى. اباي اتامىزدىڭ قاي ولەڭىن قاراساڭ دا, استارىندا ۇلكەن ءبىر ءمان-ماعىنا جاتىر. ەگەر ءبىز ءوزىمىزدى ءوزىمىز تانيمىز دەسەك, اللانى تانيمىز دەسەك, ابايدى وقىعانىمىز ءجون, - دەيدى بايقاۋعا قاتىسۋشى ەرنازار ەسەنگەلدى.
قوستاناي
