ەلوردا • 28 اقپان، 2020

نۇر-سۇلتاندا «ارداگەرلەرگە مىڭ العىس» اكتسياسى باستالدى

8 رەتكورسەتىلدى

ەلوردادا العىس ايتۋ كۇنى مەن ۇلى جەڭىستىڭ 75 جىلدىعىنا ارنالعان «ارداگەرلەرگە مىڭ العىس» اكتسياسى باستالدى، دەپ حابارلادى قالا اكىمدىگىنىڭ ءباسپاسوز قىزمەتى.

ەلوردالىق ۆولونتەرلەر شتابىنىڭ مۇشەلەرى ارداگەرلەر مەن زەينەتكەرلەردىڭ حال-جاعدايىن ءبىلىپ، ازىق-ت ۇلىك سەبەتتەرىن تاپسىردى. ءبىرىنشى كەزەكتە جاستار ۇلى وتان سوعىسى ارداگەرى راۋزا شيرۆانوۆانىڭ شاڭىراعىنا باردى.

سەمەي قالاسىنىڭ تۋماسى راۋزا احمەتقىزى 1942 جىلدىڭ مامىرىندا كەڭەس اسكەرىنىڭ قاتارىنا شاقىرىلدى. سودان باستاپ 1944 جىلدىڭ قىركۇيەگىنە دەيىن №136 جەكە بايلانىس روتاسىندا راديست، تەلەگرافيست بولىپ قىزمەت ەتتى. ودان كەيىن چيتا قالاسىنداعى بايكال جاعالاۋىنداعى اسكەري وكرۋگىنىڭ شتابىنا قاراستى №245 اۆياتسيا ديۆيزياسىنا اۋىستىرىلدى. سول جەردەن 1945 جىلدىڭ 2 جەلتوقسانىندا سەرجانت شەنىندە اسكەري قىزمەتتەن بوساتىلدى. مايدانگەر ءىى دارەجەلى « ۇلى وتان سوعىسى» وردەنىمەن، جاپونيانى جەڭگەنى ءۇشىن جانە ەرەن ەڭبەگى ءۇشىن مەدالدارىمەن ماراپاتتالعان.

1

سونداي-اق ي.ءستاليننىڭ العىس حاتىن، قازاقستاننىڭ تۇڭعىش پرەزيدەنتى-ەلباسى نۇرسۇلتان نازارباەۆ پەن قالالىق ارداگەرلەر كەڭەسىنىڭ قۇرمەت گراموتاسىن العان. «ساۋلىق» باعىتىنداعى ۆولونتەرلەر اجەيدىڭ قان قىسىمىن ولشەپ، دەنساۋلىعىن تەكسەردى.

«ارداگەرلەرگە مىڭ العىس» اكتسياسى شەڭبەرىندە ۇلى وتان سوعىسى مايدانگەرلەرى مەن تىل ەڭبەككەرلەرىنە كومەك كورسەتەمىز. ۇيلەرىن جيناپ، اۋلالارىن تازالايمىز. ازىق-ت ۇلىك سەبەتتەرىن تاپسىرامىز. ءار ارداگەرگە ءبىر-ءبىر ۆولونتەردەن بەكىتەمىز. اكتسيا بۇگىننەن باستاپ كۇن سايىن جۇرەتىن بولادى. بۇل شاراعا دەمەۋشىلەردى تارتتىق»، – دەدى ەلوردانىڭ ۆولونتەرلەر شتابىنىڭ جەتەكشىسى شىڭعىس تىلەۋلين.


سوڭعى جاڭالىقتار

ۇقساس جاڭالىقتار