الەم • 28 اقپان، 2020

كوروناۆيرۋس: قىتايداعى ەپيدەميولوگيالىق جاعداي جاقسارىپ كەلەدى

91 رەتكورسەتىلدى

قىتايدا كوروناۆيرۋستىڭ جاڭا ءتۇرىن جۇقتىرعانداردىڭ 46 پايىزى ەمدەلىپ، اۋرۋحانادان شىعارىلدى. اقپاراتتى قحر دەنساۋلىق ساقتاۋ ماسەلەلەرى جونىندەگى مەملەكەتتىك كوميتەتىنىڭ دەرەكتەرى راستادى. بۇل تۋرالى ريا نوۆوستي حابارلادى

قىتايداعى كوروناۆيرۋستى جۇقتىرۋدىڭ راستالعان جاعدايلارىنىڭ سانى 78 824 ادامعا جەتتى، ونىڭ ىشىندە 36 117 ادام ەمدەلىپ، اۋرۋحانادان شىعارىلدى. 

حۋبەي پروۆينتسياسىن ەسەپتەمەگەندە بۇكىل قىتاي بويىنشا ىندەت باستالعاننان بەرى بارلىعى 12 910 جۇقتىرۋ وقيعاسى تىركەلدى، ونىڭ ىشىندە 106 ولىممەن اياقتالعان، ءولىم-ءجىتىم 0،8% قۇرادى.

حۋبەي پروۆينتسياسىنىڭ وزىندە ىندەت وشاعىندا 65 914 جۇقتىرۋ وقيعاسى انىقتالدى، ونىڭ 2682-ءى قايتىس بولدى، ءولىم-ءجىتىم 4%-دى قۇرادى.

سوڭعى تاۋلىكتە ەل بويىنشا 327 جاڭا جۇقتىرۋ وقيعاسى انىقتالدى، بۇل رەتتە حۋبەي پروۆينتسياسىنان تىس جەرلەردە تەك توعىز جاعداي تىركەلدى. العاشقى رەت تاۋلىگىنە شىعارىلعان پاتسيەنتتەردىڭ سانى 3 مىڭنان استى. وتكەن تاۋلىكتە 44 ءولىم وقيعاسى تىركەلدى، ونىڭ 41-ءى - حۋبەي پروۆينتسياسىندا. 

قىتاي بيلىگى 2019 جىلى 31 جەلتوقساندا دۇنيەجۇزىلىك دەنساۋلىق ساقتاۋ ۇيىمى ۋحان قالاسىندا (حۋبەي پروۆينتسياسى) بەلگىسىز پنەۆمونيانىڭ ءورشۋى تۋرالى حاباردار ەتتى. ماماندار اۋرۋدىڭ قوزدىرعىشتارىن انىقتادى - بۇل جاڭا كوروناۆيرۋس.

دۇنيەجۇزىلىك دەنساۋلىق ساقتاۋ ۇيىمى حالىقارالىق ماڭىزى بار توتەنشە جاعداي دەپ تانىپ، اۋرۋعا رەسمي اتاۋ بەردى – COVID-19.

سوڭعى جاڭالىقتار

ۇقساس جاڭالىقتار