اقتوبە • 28 اقپان، 2020

العىس – ادامدار مەرەيىن وسىرەدى

47 رەتكورسەتىلدى

دجامالوۆ شاحباز يلال-وگلى ازەربايجاندار قاۋىمداستىعى رەسپۋبليكالىق  اقتوبە فيليالىنىڭ توراعاسى،ەگەر ماعان وزگە بىرەۋلەردىڭ تاراپىنان: الەم بويىنشا ىنتىماعى مەن بىرلىگى جاراسقان، كوپتەگەن دياسپورا وكىلدەرى تۇراتىن ەلدى اتاي الاسىز با دەگەن سۇراق قويىلا قالسا ، مەن بۇعان كوپ ويلانباستان: يا، اتاي الامىن، بۇل قازاق ەلى دەپ كەۋدەمدى كوتەرە تۇرىپ جاۋاپ بەرگەن بولار ەدىم. سونداي-اق ورتاق وتانىمىز قازاقستاندى ناعىز باق پەن قىدىر قونعان ەل دەپ اتاساق تا شىندىقتان الشاق كەتپەس ەدى دەپ ويلايمىن.

قازاق حالقىنىڭ باۋىرمال ءبىتىم-بولمىسى مەن كەڭ-كەۋدە جاراتىلىسى ارقاسىندا كەزىندە بۇل توپىراققا ەرىكسىز ايدالعان تالاي جاندار اجال اۋزى مەن تىرناعىنان امان قالعانىن ەشكىم دە جوققا شىعارا المايدى. بۇعان تاريح كۋا. ستاليندىق قۋعىن-سۇرگىن جىلدارى باستارىن تاۋعا دا، تاسقا دا سوققان ازەربايجان ۇلتىنىڭ ءبىر قاۋىم وكىلدەرىنە قازاقستان قارا اعاشتاي پانا، بايتەرەكتەي سايا بولا ءبىلدى. كەيىننەن بۇل قاسيەتتى دە كيەلى توپىراق ازىربايجاندىق ەتنوس وكىلدەرىنىڭ كەيىنگى جانە بۇگىنگى ۇرپاعى ءۇشىن قۇتتى مەكەنگە اينالدى.

سول ءۇشىن دە ءبىز قازاقستانداعى ازەربايجاندار قاۋىمداستىعىنىڭ وكىلدەرى قازاق جەرى مەن ەلىنە مىڭ مارتە العىسىمىزدى ايتامىز. تەك مۇنىمەن شەكتەلمەي قازاق حالقىنا شەكسىز قارىزدار ەكەنىمىزدى كەيىنگى ۇرپاعىمىزعا دا امانات ەتىپ قالدىرۋدى باستى پارىزىمىز دەپ بىلەمىز. ەگەر ءدال وسى تۇستا جالپىدان جالقىعا كوشەر بولساق، ادامنىڭ ادامعا جاساعان جاقسىلىعى مەن كومەگى ءۇشىن العىس سەزىم ءبىلدىرۋى تابيعي زاڭدىلىقتاي كورىنەدى. ءتىپتى، ولاردىڭ بەلگىلى ءبىر ورىن العان جاعدايعا بايلانىستى ايتارلىقتاي قوداۋ جاساۋدىڭ مۇمكىندىگى مەن رەتى كەلمەگەن كۇننىڭ وزىندە قۋانىشى مەن قايعىسىنا ورتاقتاسىپ شىنايى اق ادال كوڭىلدەرىن ءبىلدىرۋىنىڭ ءوزى دە شاپاعاتى مول ءىس بولماق.

ءبىر سوزبەن ايتقاندا 1 ناۋرىز العىس ايتۋ كۇنى ەلىمىزدىڭ كۇنتىزبەسىندەگى ەرەكشە كۇندەردىڭ ءبىرى دەپ سانايمىن. العىس ونى يەلەنگەن ادامنىڭ دا، تۇتاستاي ەل-جۇرتتىڭ دا نۇرىن تاسىتا الاتىن قۇدىرەتتى كۇشتىڭ ءبىرى. العىس ايتۋ ادام بويىنداعى اينىماس پارىزدىڭ ءبىرى. وسى قاعيدانى ءار كەز جادىمىزدا ۇستاي بىلسەك ەر مەرەيى دە، ەل مەرەيى دە سوعۇرلىم ۇستەم بولا بەرمەك.

 

اقتوبە وبلىسى

سوڭعى جاڭالىقتار

ۇقساس جاڭالىقتار