ساياسات • 28 اقپان، 2020

ازاماتتىق قوعامنىڭ ايتارى بار

30 رەتكورسەتىلدى

ەلوردادا اقپارات جانە قوعامدىق دامۋ مينيسترلىگى ازاماتتىق باس­تامالاردى قولداۋ ورتالىعىمەن بىرلەسىپ، دۇنيەجۇزىلىك ۇكىمەتتىك ەمەس ۇيىمدار كۇنىنە ارنالعان ءىس-شارا وتكىزدى.

وعان اقپارات جانە قوعامدىق دامۋ ۆيتسە-ءمينيسترى عابيدوللا وسپانقۇلوۆ، سەنات دەپۋتاتى، الەۋ­مەتتىك، مادەني دامۋ جانە عىلىم كوميتەتىنىڭ مۇشەسى اي­گۇل قاپ­باروۆا، نۇر-سۇلتان قا­لا­سى ازامات­تىق باستامالار ور­تالىعىنىڭ باسشىسى ماحاب­بات ەسپەنوۆا، «بايتاق بو­لاشاق» ەكولوگيالىق اليانسى» رەسپۋبليكالىق قوعامدىق بىرلەس­تىگىنىڭ جەتەكشىسى، ۇلتتىق قوعام­دىق سەنىم كەڭەسىنىڭ مۇشەسى ازامات­حان امىرتاەۆ، ۇكىمەتتىك ەمەس ۇيىم­داردىڭ باسشىلارى مەن مۇشەلەرى، باق وكىلدەرى قاتىستى.

– 2014 جىلى 27 اقپان – دۇ­نيەجۇزىلىك ۇكىمەتتىك ەمەس ۇيىم­دار كۇنى بولىپ بەلگىلەندى. بۇل ۇيىمنىڭ مۇشەلەرىن پايدا كوزىن تابۋدى ەمەس، مەملەكەتتىڭ، قوعامنىڭ، ءار ادامنىڭ مۇددەسى ءۇشىن ءوزىنىڭ بار كۇش-جىگەرىن سالاتىن ازاماتتار دەپ ەسەپتەيمىز. ۇكىمەتتىك ەمەس ۇيىمدارعا ادامدار ءارتۇرلى جاعدايمەن كەلەدى. ءبىرى – ءوزى زارداپ شەگىپ كەلسە، ەندى ءبىرى تۋعان-تۋىستارى، دوستارى زارداپ شەگىپ كەلىپ جاتادى. ۇشىنشىلەرى ءوزىنىڭ ازاماتتىق پوزيتسياسىن تانىتادى. سوندىقتان ۇكىمەتتىك ەمەس ۇيىم – ورتاق مۇددەنى كوزدەيتىن، ەل دامۋىنا سەرپىن بەرەتىن قوزعاۋشى كۇش دەۋگە بولادى. ەندەشە، مەملەكەتتىڭ پارىزى – وسىنداي ۇيىمدارعا ارقاشان قولداۋ كورسەتۋ، – دەدى ع.وسپانقۇلوۆ.

 ونىڭ ايتۋىنشا بۇگىندە ەل اۋماعىندا 22 مىڭعا جۋىق ۇكىمەتتىك ەمەس ۇيىم تىركەلگەن. سولاردىڭ بەلسەندى دەگەنى 14 مىڭعا جەتىپ وتىر. بۇل ۇيىمداردىڭ جۇمىسىن جانداندىرىپ، ءىس-شارالاردى وتكىزۋگە قولداۋ ءبىلدىرۋ ماقساتىندا 20 ملرد تەڭگەدەن استام قاراجات بولىنەدى. سونىڭ 3 ملرد تەڭگەسى گرانتتىق قارجىلاندىرۋ بول­سا، قالعان 17 ملرد تەڭگە مەملە­كەت­تىك-الەۋمەتتىك تاپسى­رىس­قا نەگىزدەلگەن. سونداي-اق ازاماتتىق قوعامدى دامىتۋدىڭ 2025 جىلعا دەيىنگى تۇجى­رىم­داماسى ازىرلەنۋدە.

– كەز كەلگەن مەملەكەتتىڭ دامۋىنىڭ العىشارتى – ازامات­تىق قوعامدى دامىتۋ. بۇل باعىت­تا ۇكىمەتتىك ەمەس ۇيىمدار اۋقىمدى جۇمىس اتقارىپ جاتىر. سەبەبى ازاماتتىق قوعامدى دامى­تۋ بارىسى وتە ۇزاق جۇرەتىن پروتسەسس. ازاماتتىق قوعامى دامى­عان ەل رەتىندە اقش-تى ءجيى تىل­گە تيەك ەتەمىز. وعان قول جەتكىزۋ ءۇشىن اقش-قا 240 جىل كەرەك بول­دى. سوندىقتان بۇل وتە باياۋ جۇ­رەتىن پروتسەسس دەر ەدىم. بىراق سوعان قاراماستان، ەلىمىزدە ازامات­تىق قوعامدى دامىتۋعا دەگەن قا­دام وڭ باعىتقا يە، – دەدى ا.قاپ­باروۆا.

وسى كۇنگە وراي ازاماتتىق باستامالاردى قولداۋ ورتالىعى ۇكىمەتتىك ەمەس ۇيىمدار مەن مەملەكەتتىك ورگاندار اراسىندا ارىپتەستىك ورناتۋ، ولاردى قولداۋ ماقساتىندا كەيىنگى ەكى جىل مۇعدارىندا جوسپارلى تۇردە ءىس-شارا وتكىزىپ كەلەدى.

– وزىمە تانىس، وزىمە جاقىن ازاماتتاردى، جاڭا تۇلعالاردى كورىپ، قۋانىپ وتىرمىن. ياعني، ۇكىمەتتىك ەمەس ۇيىمداردىڭ اۋقىمى كەڭەيىپ، قىزمەتىمىز سۇرانىسقا يە بولىپ كەلەدى دەۋگە بولادى. بۇگىندە مەملەكەت تاراپىنان ۇكىمەتتىك ەمەس ۇيىم­داردى دامىتۋعا قاتىستى اۋقىم­دى قولداۋ كورسەتىلىپ جاتىر. قولداۋ شارالارى جىل سا­ناپ ارتا تۇسەدى دەگەن سەنىمدە­مىن. ەڭبەگىمىز ەلەنىپ، اتقارعان جۇ­مى­سىمىز باعالانسا – سونىڭ ءوزى ۇل­كەن باقىت. بارشا ارىپتەستەرىمە جەمىستى ەڭبەك تىلەيمىن، – دەدى م.ەس­پەنوۆا.

ء ىس-شارانىڭ سالتاناتتى اشى­لۋى «كاسىبي جانە ءتيىمدى فاندرايزينگ»، «قاجەتتىلىكتەردى باعالاۋ الەۋمەتتىك ماركەتينگتىڭ ءبىر بولىگى»، «باق-تى جىلجىتۋ» سىن­دى تاقىرىپتار بويىنشا شە­بەرلىك سىنىپتارعا، الەۋمەت­تىك كاسىپكەرلىككە قاتىس­تى سەمينارلارعا ۇلاسىپ، قاتى­سۋ­شىلار وزدەرىن تولعاندىرعان ساۋالدارىن جولداي الدى.

سوڭعى جاڭالىقتار

ەلدىك نىشاندار تاريحى

قازاقستان • كەشە

ۇقساس جاڭالىقتار