ايماقتار • 27 اقپان، 2020

ايتۆ-احۋالدىلاردى كەمسىتۋگە جول بەرىلمەيدى

41 رەتكورسەتىلدى

الدا كەمسىتۋشىلىككە قارسى كۇرەس كۇنى كەلە جاتىر. بىرىككەن ۇلتتار ۇيىمىنىڭ ايتۆ/جيتس بويىنشا بىرىككەن باعدارلاماسىنىڭ باستاماسى بويىنشا 1 ناۋرىزدا كەمسىتۋشىلىككە قارسى كۇرەس كۇنى اتاپ وتىلەدى. بيىلعى جىلدىڭ ۇرانى – «ايەلدەر مەن قىزدارعا قاتىستى كەمسىتۋشىلىكتىڭ تولىق جويىلۋى».

كەمسىتۋشىلىك جانە گەندەرلىك تەڭسىزدىك جيتس-قا قارسى كۇرەستەگى ارەكەتتەرگە ەلەۋلى اسەر ەتە وتىرىپ، ايەلدەر مەن قىزدار ءۇشىن بۇرىنعىسىنشا ايتارلىقتاي كەدەرگىگە دۋشار  بولىپ وتىر. كەمسىتۋشىلىككە قارسى كۇرەس كۇنى قىز-كەلىنشەكتەرگە قاتىستى كەمسىتۋشىلىككە نەگىزدەلگەن پروبلەمالارعا قوعام نازارىن اۋدارۋعا باعىتتالعان. ايتا كەتۋ كەرەك، اڭگىمە ايتۆ-مەن ءومىر سۇرەتىن، ترانسگەندەرلى جانە سەكس يندۋسترياسىندا جۇمىس ىستەيتىن ايەلدەردى قوسا العاندا، بارلىق ايەلدەر تۋرالى.

كەمسىتۋشىلىككە قارسى كۇرەس كۇنىنىڭ ماقساتى – ايەلدەردىڭ دەنساۋلىق ساقتاۋ جانە ءبىلىم بەرۋ قىزمەتتەرىنە تەڭ قول جەتكىزۋىنە كەدەرگى كەلتىرەتىن زاڭدىق جانە ەكونوميكالىق كەدەرگىلەردە كورىنەتىن ايەلدەر مەن قىزدارعا قاتىستى كەمسىتۋشىلىكتەردى جويۋعا باعىتتالعان جانە ساياسي ەرىك قالىپتاستىرۋدى كوزدەيدى.

«ايتۆ-نىڭ تارالۋىن توقتاتۋ ءۇشىن، ەڭ الدىمەن، مەديتسينالىق مەكەمەلەردە كەمسىتۋدى تولىق جويۋعا باسا نازار اۋدارۋ قاجەت. بۇل ايتۆ-ينفەكتسياسى ىندەتىنىڭ ءوسۋ قارقىنىنىڭ ايتارلىقتاي قىسقارۋىنا ىقپال ەتەدى»، – دەيدى دسم قازاق دەرماتولوگيا جانە ينفەكتسيالىق اۋرۋلار عىلىمي ورتالىعىنىڭ ديرەكتورى باۋىرجان بايسەركين.

قازاقستان رەسپۋبليكاسى ايتۆ-ينفەكتسياسىنىڭ وسالدىعىنا اسەر ەتەتىن جانە مەديتسينالىق قىزمەتتەرگە ءاوا-نىڭ قول جەتكىزۋىنە كەدەرگى كەلتىرەتىن فاكتورلاردى جويۋ ءۇشىن شارالار قابىلدايدى.  اۋرۋدىڭ سيپاتىنا بايلانىستى قانداي دا ءبىر كەمسىتۋشىلىككە جول بەرمەۋ تۋرالى مەملەكەتتىڭ كەپىلدىكتەرى كونستيتۋتسيا مەن حالىق دەنساۋلىعى جانە قر دەنساۋلىق ساقتاۋ جۇيەسى تۋرالى كودەكستە زاڭنامالىق دەڭگەيدە بەكىتىلگەن.

كەمسىتۋشىلىككە قارسى كۇرەستە جاستارعا ەرەكشە كوڭىل بولىنەدى. ءال-فارابي اتىنداعى قازاق ۇلتتىق ۋنيۆەرسيتەتىندە كەمسىتۋشىلىككە قارسى كۇرەس كۇنى قارساڭىندا ايتۆ-مەن ءومىر سۇرەتىن قازاقستاندىقتار وداعىنىڭ، يۋنەيدس، قدياعو قىزمەتكەرلەرى ستۋدەنتتەرمەن كەزدەستى. ناتيجەلەردىڭ ءبىرى بولاشاق جۋرناليستەر مەن جارناماشىلار ءۇشىن 1 جەلتوقسان – حالىقارالىق جيتس-كە قارسى كۇرەس كۇنىنە وراي، اقپاراتتىق كامپانيا تۇجىرىمداماسىن جاساۋ جونىندە كونكۋرستىڭ جاريالانۋى. بايقاۋ قورىتىندىسى بويىنشا ۇزدىك تۇجىرىمداما ءوز ەلىمىزدە جۇزەگە اسىرىلادى.

كەمسىتۋشىلىككە قارسى كۇرەس كۇنى كەمسىتۋشىلىكتىڭ بارلىق كوزدەلگەن ماقساتتارىن جۇزەگە اسىرۋ – ىنتىماقتاستىقتىڭ جاھاندىق قوزعالىسىن قۇرۋعا ىقپال ەتەدى.

سوڭعى جاڭالىقتار

ۇقساس جاڭالىقتار