ايماقتار • 27 اقپان، 2020

جالعىز قولمەن جيھاز جاسايدى

52 رەتكورسەتىلدى

ءتاۋباحان وڭالحان – اتامەكەندى اڭساپ موڭعوليادان كەلگەن قانداسىمىز. قازىر ول قاراعاندى وبلىسىنداعى وساكاروۆ اۋدانىندا تۇرادى. ءوزىنىڭ ايتۋىنشا، انادان تۋعانىندا ەكى اياق، ءبىر قولى بولماپتى. جالعىز قولدىڭ ءوزى دە ساۋ ەمەس: بار-جوعى ءۇش ساۋساعى عانا بار...

بىراق تاعدىردىڭ بۇل قاتال سىنىنا مويىعان ءتاۋباحان جوق. قازىر ول جالعىز قولمەن جي­ھازدىڭ ورىندىق، ۇستەل سياق­تى تۇرلەرىن جاسايدى. بۇل ونەردى بالا كەزىندە اكەسىنەن ۇيرەنگەن. ءۇش ساۋساقپەن اعاش­تى ارالاپ، ودان كەيىن ونى سۇرگىلەپ، جىمداي قىلىپ قۇراستىرىپ بۇيىم جاساۋ ايتقانعا عانا وڭاي. «ارينە، – دەيدى ول، – قيىندىقسىز ءىس بول­مايدى. كەيدە قولىمنىڭ قا­رىسىپ قالاتىنى بار. مۇن­داي كەزدەردە كوڭىلىمدى كوتەرۋ ءۇشىن ءان ايتامىن. شىنىن ايتقاندا، كادىمگىدەي تىڭايىپ، سەرگىپ قالامىن».

ءتاۋباحاننىڭ قولىنان اياق كيىم جوندەۋ دە كەلەدى. جال­پى، ول جۇمىسسىز وتىرعاندى ۇنات­پايتىن جان. كەرەك بولعان جە­رىندە ءۇي شارۋاسىنا دا ارالاسىپ كەتەدى. جۇمىس ىستە­گەن كەزىندە جانىنان شىق­پاي­تىن بالالارعا ونەگەلى اڭگىمە ايتىپ، اقىل-كەڭەس بەرىپ وتىرۋدى دا ۇمىتپايدى.

«كەيدە وزدەرى تۇك ىستە­مەي، مەملەكەتتەن قول جا­يىپ كومەك سۇراي بەرەتىندەرگە تاڭعالامىن. تەلەديداردان ون ەكى مۇشەسى ساۋ جاستاردىڭ بوس سەندەلىپ، اراق ءىشىپ، ءبىر-بىرىمەن توبەلەسىپ جاتقانىن كورگەنىمدە، ءىشىم ۋداي اشيدى. سولارعا قاراپ وتىرىپ، ءوزىمنىڭ سۇ­يىك­تى ىسىممەن اينالىسىپ جۇر­گەنىمە تاۋبە دەيمىن»، دەپ سىر اقتارادى ول. قازىر ءتاۋ­با­حاندى تاپ­سى­رىس­تىڭ استىندا دەپ ايتا الماي­سىڭ. بىراق وزىنە جەتەر­لىك­تەي جۇمىسى بار. ەڭ باس­تى­سى، ول وزىنە ۇنايتىن جانە قولىنان كەلەتىن ىسپەن اينا­لىسادى. شەبەر ەڭ ءبىرىنشى كە­زەك­تە ساپاعا ءمان بەرەدى ەكەن. ءبىر ورىندىقتى بىرنەشە كۇن ىستەۋى بار، ابدەن كوڭىلدەن شى­عاتىنداي بولىپ بىتكەنشە تى­نىم تاپپايتىنى دا سودان.

ءتاۋباحاننىڭ قولىنان اعاش­­­تان بۇيىم جاساۋ عانا كە­­­لە­دى دەسەڭىز، قاتەلەسەسىز. ونىڭ اۋەلەتىپ ءان ايتاتىن دا ونەرى بار. ءتىپتى، اۋداندىق، وب­لىستىق دەڭگەيدەگى كونكۋرس­تاردا جەڭىمپاز بولعان. سودان سوڭ قولى قالت ەتكەندە شاح­مات ويناعاندى ۇنا­تا­دى. قار­سى­لاستارىنىڭ ءبا­رىن قي­را­تىپ جەڭبەسە دە، شار­شى تاقتا بە­تىندە تالاي­دى تى­عى­رىق­قا تىرەيتىن قابى­لەت-ق­ا­رى­مى بار. بۇعان دا­لەل – اۋدان­دىق جا­رىس­تاردا العان جۇل­دەلەرى.

ءتاۋباحان وڭالحان سىندى جانداردىڭ ءتاۋباسىن ۇمىتقان كوپ ادامعا وي سالىپ، ومىرگە باسقاشا كوزبەن قاراۋعا ىقپال ەتەرى ءسوزسىز. ءيا، قاراعايعا قار­سى بىتكەن بۇتاقتاي مۇنداي قاي­سار ادامدار مۇسىركەۋدى قا­جەت ەتپەيدى، قايتا ولاردىڭ قايت­پاس رۋحىن مۇقىم ەلگە ۇلگى ەتۋ كەرەك شىعار!

 

قاراعاندى وبلىسى،

وساكاروۆ اۋدانى

 

سوڭعى جاڭالىقتار

iPhone 12 Pro رەندەرى شىقتى

تەحنولوگيا • كەشە

ۇقساس جاڭالىقتار