ء«بىز كوكتەمگى-سۋ تاسقىنى كەزەڭىنە دايىندىقتىڭ بەلسەندى كەزەڭىنە وتتىك. بۇگىن تاڭعى ساعات 6-دان بەرى رەسپۋبليكا بويىنشا ءبىز «كوكتەم-2020» كەشەندى كوماندالىق-شتابتىق وقۋ-جاتتىعۋلارىن باستادىق, وندا جەرگىلىكتى اتقارۋشى ورگانداردىڭ كۇشتەرى مەن قۇرالدارىنىڭ, سونداي-اق ءىىم بولىمشەلەرىنىڭ كوكتەمگى-سۋ تاسقىنى كەزەڭىندە تج-عا ارەكەت ەتۋگە دايىندىعى تەكسەرىلەدى», — دەپ اتاپ ءوتتى يۋ. يلين.
وسى جىلدىڭ 1 اقپانىنداعى قاردىڭ جينالۋ بولجامىنا سۇيەنە وتىرىپ, قر ءىىم تج تۋىنداۋ قاۋپى جوعارى ۋچاسكەلەردى انىقتادى. بۇل — 600-دەن استام ەلدى مەكەن.
«قازىر ءبىزدىڭ بولىمشەلەرىمىز اكىمدىكتەرمەن بىرلەسە وتىرىپ, سۋ باسۋ ايماعىندا قالۋى مۇمكىن حالىقتى حاباردار ەتىپ, رەيدتىك ءىس-شارالار جۇرگىزىپ جاتىر. بۇنداي جاعدايدا ءوزىن قالاي ۇستاۋ كەرەكتىگى تۋرالى ۇسىنىستار بەرەمىز», — دەدى يۋ. يلين.
وسى جىلدىڭ 1 ناۋرىزىندا «كازگيدرومەت» اق تولىق ناقتى بولجامدى ۇسىنادى. ودان كەيىن ىشكى ىستەر مينيسترلىگى قاردىڭ كوپ جاۋى بايقالاتىن ۋچاسكەلەردەگى وقيعالارعا قاتىستى ىقتيمال نۇسقالاردى پىسىقتاۋدى جوسپارلاپ وتىر.
يۋ. ءيليننىڭ ايتۋىنشا, 26-27 اقپانعا قاتىستى تۇسكەن داۋىل ەسكەرتۋلەرى, ونىڭ ىشىندە نۇر-سۇلتان قالاسىندا جەل جىلدامدىعىنىڭ كۇشەيۋى, جاڭبىر تۇرىندە جاۋىن-شاشىننىڭ جاۋى بويىنشا ەسكەرتۋلەر قاردىڭ ەرتە ەرىۋىنە سەبەپ بولماق.
«كوپجىلدىق باقىلاۋلارعا قاراعاندا كوكتەم مەزگىلى الدەقايدا ەرتەرەك كەلەدى دەپ بولجاپ وتىرمىز. ناۋرىز ايىنىڭ ورتاسى نەگىزگى شارىقتاعان شاعى بولادى دەپ ويلايمىن. وتكەن جىلمەن سالىستىرعاندا كوكتەمگى كەزەڭ ەكى-ءۇش اپتا بۇرىن باستالادى», — دەدى يۋ. يلين.
ۆيتسە-ءمينيستردىڭ ايتۋىنشا, ەڭ ۇلكەن قاۋىپ قاراعاندى وبلىسىندا نۇرا وزەنىنىڭ ساعاسىندا بەلگىلەنگەن, وندا ۇلكەن قار قورى قالىپتاسىپ, توپىراقتىڭ تەرەڭ قاتۋى بايقالادى, بۇل سۋدىڭ جوعارى اعىنىن, نۇرا وزەنىندە جوعارى سۋ تاسقىنىنىڭ پايدا بولۋىن تۋدىرۋىنا اكەلۋى مۇمكىن.
قار قورى بويىنشا دا ۆياچاسلاۆ سۋ قويماسىنىڭ تولۋ قاۋپى بار.
«تيىسىنشە, قىزمەتكەرلەر استانالىق كونتر رەتتەۋىشىنە جۇمىس ىستەيتىن بولادى, بۇل نۇر-سۇلتان قالاسىن تىم كوپ ەرىگەن قار سۋىنان قورعاۋعا جانە ەسىل وزەنى بويىمەن سۋدىڭ ءارى قاراي اعۋىنا مۇمكىندىك بەرەدى», — دەدى ۆيتسە-مينيستر.
سونىمەن قاتار اقمولا وبلىسىنداعى جاباي جانە كولۋتون وزەندەرى بويىندا دا سۋ باسۋ قاۋپى بار. اتباسار جانە كولۋتون ەلدى مەكەندەرىنە وسى وزەندەردىڭ سالدارىنان سۋ باسى قاۋپى ءتونىپ تۇر.
بۇدان كەيىن ەڭ كوپ جۇكتەمە سولتۇستىك قازاقستان وبلىسىنىڭ اۋماعىنا تۇسەتىن بولادى, اقمولا وبلىسىنىڭ اۋماعىنداعى بارلىق وزەندەر وسى وڭىرگە جەتىپ, سەرگەەۆ سۋ قويماسى وزەنىنىڭ ساعاسىنا جەتەدى, ال بۇل ساعا رەتتەلمەيدى.
سونىمەن قاتار يۋري يلين نۇر-سۇلتان قالاسىن سۋ باسۋ قاۋپى تۋرالى ايتىپ بەردى.
ء«بىز ءبارىمىز, نۇر-سۇلتان قالاسىنىڭ تۇرعىندارى, بيىل قار كوپ مولشەردە جاۋعانىن بىلەمىز. قازگيدرومەتتىڭ بولجامىنشا, بۇل نورمادان ەكى ەسەدەن استامعا ارتىق. كوشەلەردەن, اۋلالاردان قار شىعارۋ جۇمىستارى جۇرگىزىلۋدە. ءاربىر تۇرعىن بۇل جۇمىستاردىڭ قارقىندى جۇرگىزىلۋىن قالايدى, سەبەبى, كوكتەمنىڭ شىعۋىنا از ۋاقىت قالدى», — دەدى يۋري يلين.
ءمينيستردىڭ ورىنباسارى بيىل اقپان ايىندا نۇر-سۇلتان قالاسىندا اۋا تەمپەراتۋراسى كوتەرىلىپ, جاڭبىر مەن قار جاۋعاندا كەي جەرلەردى سۋ باسقانىن اتاپ ءوتتى.
«بىزدە كوشەنىڭ ءبىر بولىگى سۋ استىنا كەتتى. اكىمدىك قازىر بولجاپ وتىرعان كۇردەلى جاعداي وزەننىڭ تومەنگى بولىگىندە, وزەن اڭعارىندا, قالادان تىس, ساياجايلار ورنالاسقان جەردە ورىن الۋى مۇمكىن. سۋ باسۋى ىقتيمال. سونىمەن قاتار اعىن سۋلار كارىزىنىڭ جۇمىسىن جولعا قويماعان اۋماقتار – ب. مومىش ۇلى داڭعىلى, تۇران كوشەسىنىڭ بويى. بۇل ۋچاسكەلەردە پروبلەما بار. سالدارىن جويۋ ءۇشىن تجك تاراپىنان كومەك كورسەتىلەتىن بولادى», — دەدى يۋ. يلين.
سۋ رەسۋرستارى كوميتەتى نۇرا وزەنىنىڭ باعىتىنا قاراي كونتر رەتتەۋىشتەن شىعارىندى كانالىن سالۋ جوباسىن ۇسىندى.
«ۋچاسكەلەر نۇر-سۇلتان قالاسىندا بەلگىلەنگەن. اكىمدىك سۋ باسقان ايماقتا قالۋى مۇمكىن تۇرعىنداردى قۇلاقتاندىرۋ شارالارىن جۇرگىزىپ جاتىر. قاجەت بولعان جاعدايدا, ولاردى ەۆاكۋاتسيالايتىن بولامىز», — دەدى يۋري يلين.
ءمينيستردىڭ ورىنباسارى توتەنشە جاعدايلاردىڭ تۋىنداۋ قاتەرىن تومەندەتۋ جونىندەگى جول كارتاسىنىڭ ىسكە اسىرىلۋى تۋرالى ايتىپ بەردى. جول كارتاسى اياسىندا بارلىق وڭىرلەر بويىنشا 600 ءىس-شارا جوسپارلانعان. جول كارتاسىن جالپى قارجىلاندىرۋ كولەمى 130 ملرد تەڭگەگە جۋىق: 78 ملرد تەڭگە – رەسپۋبليكالىق بيۋدجەتتەن, 50 ملرد تەڭگەگە جۋىعى – جەرگىلىكتى بيۋدجەتتەن.
جالپى, بارلىعى 400-گە جۋىق ءىس-شارا جۇزەگە اسىرىلدى. 36 شارانىڭ ىسكە اسپاۋ قاۋپى بار. ولار بىرقاتار وبەكتيۆتى سەبەپتەرگە بايلانىستى وتكەن جىلى ىسكە اسىرىلماي قالدى. پرەمەر-مينيستر 2019 جىلى ىسكە اسپاي قالعان شارالاردى ىسكە اسىرۋ جانە 2020 جىلى قالعاندارىن اياقتاۋ تۋرالى تاپسىرما بەرگەن.
يۋ. يلين جول كارتاسىنا ىسكە اسىرۋدىڭ زور تيىمدىلىگى بار ەكەنىن اتاپ ايتتى.
«وتكەن جىلى بىزدە سۋ باسقان 1000 ەلدى مەكەن بولدى. قازىر ءبىز ونداي قاتەردى ازايتتىق. قازىر 350-دەن از ەلدى مەكەندە سۋ باسۋ قاۋپى بار», — دەدى ۆيتسە-مينيستر.
