سۋرەتتى تۇسىرگەن ۆالەري بۋگاەۆ
كەزدەسۋدە وڭىردە جۇزەگە اسىرىلىپ جاتقان جوبالار مەن ءوزارا ىنتىماقتاستىق بايلانىستار تالقىلاندى.
ابىلقايىر سقاقوۆ وڭىردە وڭتۇستىك كورەيانىڭ جوعارى تەحنولوگيالار مەن عىلىم سالاسىنداعى تاجىريبەسىن زەردەلەۋگە مۇددەلى ەكەندىگىن اتاپ ءوتتى.
- ءوڭىردىڭ رەسۋرستارىن ءوسىم نۇكتەلەرىن قۇرۋ الەۋەتى رەتىندە قولدانۋعا بولادى, - دەدى ابىلقايىر سقاقوۆ. – ينۆەستيتسيالاردى تارتۋ - ءبىرىنشى كەزەكتەگى ماسەلە. ول ءۇشىن بىزدە قاجەتتى ينفاقۇرىلىم مەن باسقارۋ ينستيتۋتتارى بار, - قارجىلاندىرۋ سەكتورلارى دا جەتەرلىك.
ال, ەلشى كيم دە-سيك وڭتۇستىك كورەيالىق كومپانيالار ءۇشىن ونەركاسىبى دامىعان وڭىرمەن جۇمىس جاساۋ قاجەتتىگىن جەتكىزدى.
سونىمەن قاتار كيم دە-سيك فەرروسيليتسي وندىرەتىن زاۋىتتىڭ قۇرىلىسىمەن اينالىساتىن قازاقستاندىق «Mineral Product» جشس-ءى مەن وڭتۇستىك كورەيانىڭ Sac Holding كومپانياسىنىڭ بىرلەسكەن جوباسى تۋرالى ايتتى. قازىر بۇل جوبا بويىنشا تەحنيكالىق-ەكونوميكالىق نەگىزدەمەنى ازىرلەنىپ جاتىر.
- وتكەن جىلى باستاعان ارىپتەستىگىمىز جالعاسىن تاپسا. ءبىزدىڭ كومپانيالارىمىز اگروونەركاسىپتىك كەشەنى سالاسىندا بىرلەسە جۇمىس جاساۋعا دايىن. قازىرگى كەزدە «اقىلدى فەرمەرلىك» باعىتى جاقسى دامىعان. وسى باعىتتا جۇمىس ىستەۋگە بولادى. ءوڭىردىڭ مۇمكىندىكتەرى مەن ەرەكشەلىكتەرىن وڭتۇستىك كورەيالىق كومپانيالاردىڭ وكىلدەرىنە حابارلايتىن بولامىن, - دەدى ەلشى.
سونداي-اق تاراپتار مەديتسينا مەن ءبىلىم بەرۋ سالاسىنداعى ارىپتەستىك ماسەلەلەرىن دە تالقىلادى.
ابىلقايىر سقاقوۆ وڭتۇستىك كورەيا ماماندارىنىڭ وسى سالالارداعى تاجىريبەسىن ءبىزدىڭ وبلىستا دا قولدانۋعا بولاتىنىن اتاپ ءوتتى.
پاۆلودار وبلىسى
