پارلامەنت سەناتىنىڭ دەپۋتاتتارى نۇرلان سۇلەيمەنوۆ پەن ءلاززات تۇرلاشوۆ الماتى وبلىسىنداعى سارقانت اۋدانى ءماسليحاتىنىڭ دەپۋتاتتارىمەن كەزدەستى.
پارلامەنت سەناتىنىڭ دەپۋتاتتارى نۇرلان سۇلەيمەنوۆ پەن ءلاززات تۇرلاشوۆ الماتى وبلىسىنداعى سارقانت اۋدانى ءماسليحاتىنىڭ دەپۋتاتتارىمەن كەزدەستى.
جۇزدەسۋدە مەملەكەت باسشىسىنىڭ «قازاقستان-2050» ستراتەگياسى – قالىپتاسقان مەملەكەتتىڭ جاڭا ساياسي باعىتى» جولداۋىندا بەلگىلەنگەن دامۋ باعدارلاماسىن زاڭنامالىق تۇرعىدا قامتاماسىز ەتۋ, ساياسي, ەكونوميكالىق جانە الەۋمەتتىك جاڭعىرتۋ جانە قازاقستاننىڭ قاۋىپسىزدىگىنە قاتىستى ماسەلەلەر باستى تاقىرىپ بولدى. تالقىلاۋعا جەرگىلىكتى اتقارۋشى بيلىكتىڭ, «نۇر وتان» حدپ, بيزنەس وكىلدەرى دە قاتىستى.
كەزدەسۋدە شاعىن جانە ورتا بيزنەستى مەملەكەتتىك قولداۋداعى ايماقتىق باعدارلامانى جۇزەگە اسىرۋعا, ەلىمىزدىڭ اگروونەركاسىپ كەشەنىن دامىتۋ جايىندا ايتىلدى. سەناتورلار اڭگىمە بارىسىندا اگروونەركاسىپ كەشەنىن نىعايتۋ, كاسىپكەرلىكتى دامىتۋ جانە مامانداردى دايارلاۋ سالالارىنداعى مەملەكەتتىك ساياساتتىڭ باعىتتارىنا توقتالىپ, جەرگىلىكتى جەردەگى تىنىس-ءتىرشىلىكتى قامتاماسىز ەتەتىن ينفراقۇرىلىمدى نىعايتۋ ماسەلەلەرىنە ەرەكشە نازار اۋدارىلدى, دەپ حابارلادى پارلامەنت سەناتىنىڭ ءباسپاسوز قىزمەتى.
