تانىم • 25 اقپان، 2020

تۇركى مۇراسىن تۇگەندەگەن ەڭبەك

52 رەتكورسەتىلدى

ەلورداداعى ۇلتتىق اكادەميالىق كىتاپحانادا ۇيىمداس­تىرىلعان «تاريحي قۇندىلىقتار جانە قازاق مەملەكەتتىلىگى» اتتى سەمينار اياسىندا تۇركولوگ عالىم قارجاۋباي سارتقو­جا ۇلىنىڭ ءۇش تومدىق «ورحون ەسكەرتكىشتەرىنىڭ تولىق اتلاسى» جانە «زاپيسكي كازاحسكوگو تيۋركولوگا» اتتى تۋىندى­لارىنىڭ تۇساۋى كەسىلدى.

ماڭىزدى شارانىڭ بەتاشا­ر ءسوزىن ايتىپ، تۇساۋى كەسى­لىپ جاتقان تۋىندىلار جايلى كوپ­­شىلىكتى حاباردار ەتكەن ل.ن.گۋ­مي­لەۆ اتىنداعى ەۋرازيا ۇلت­تىق ۋني­ۆەرسيتەتىنىڭ رەكتورى ەرلان سىدىقوۆ، اتالمىش كىتاپتار عا­لىمنىڭ 40 جىلدىق عىلىمي ىز­دەنىسىنىڭ ناتيجەسى ەكەنىن اتاپ ءوتتى.

جالپى، كولەمى 120 باسپا تا­باق­تان تۇراتىن ءۇش تومدىق – كونە تاريحىمىزدىڭ كۋاسى، كوك تۇركى­لەردىڭ تاسقا قاشاپ جازعان مۇرا­لارىنىڭ بۇگىنگە جەتكەن ەسكى كوزى ىسپەتتەس. بۇل ەڭبەكتە: ەۋرازيا كىندىگى وتۋكەن قويناۋىنان باستاپ، قيانعان جوتالارى، تيبەت تاۋلارى، ورداس دالاسى، قارا مورەن، كەم، وب داريالارىنىڭ ۇلان-عايىر القابى، الاشان قۇمى قاتارلى كونە تۇر­كىنىڭ تابانى تيگەن جەرلەردەگى بايىرعى بابالارىمىزدىڭ بارلىق مۇرا­لارى قامتىلعان. دەرەكتەردىڭ دەنى – تۇپنۇسقا سىزبالار كو­شىر­مەسى، ەجەلگى تۇركىلەردىڭ – تاريحى، پالەوەتنوگرافياسى، سالت-ءداستۇرى، دۇنيەتانىمىن قام­تىپ، تولىق سيپاتتالعان، عىلىمي ساراپتالعان دۇنيەلەر كورىنەدى.

جينالعان قاۋىم الدىندا بۇل تۋىندىلار جايلى باياندا­ما جاساعان ل.ن. گۋميلەۆ اتىن­داعى ەۇۋ-ءدىڭ شىعىستانۋ كافە­دراسىنىڭ پروفەسسورى، تاريح عى­لىمدارىنىڭ دوكتورى تۇرسىنحان زاكەن ۇلى، اتالمىش ەڭبەك ەتيمو­لوگيا­لىق، دۇنيەتانىمدىق، ەتنو­گرافيالىق، تىلدىك تۇرعىدان ۇلت­تىق كوزقاراس نەگىزىندە سۇرىپ­تالعان، سونىمەن قاتار بۇعان دە­يىنگى زەرتتەۋلەردە جى­بەرىلگەن 300-گە تارتا قاتە-كەم­شىلىكتەردى قال­پىنا كەلتىرگەن، تولىق تۇردە  سوڭعى رەت كاسىبي ۇقىپتىلىقپەن قۇراستىرىلعان اسا قۇندى ەڭبەك ەكەنىن جەتكىزدى.

سوڭعى جاڭالىقتار

ۇقساس جاڭالىقتار