ابايدىڭ تۋعان كۇنى اققۋلىدا اتاپ ءوتىلدى
وتكەن جىلى اكادەميك, سەناتور عاريفوللا ەسىمنىڭ باستاماسىمەن پاۆلودار وبلىسىنىڭ اققۋلى اۋىلىندا حاكىم اقىننىڭ تۋعان كۇنىندە ونىڭ مىستان قۇيىلعان تاماشا ەسكەرتكىشى ورناتىلعان ەدى.
ابايدىڭ تۋعان كۇنى اققۋلىدا اتاپ ءوتىلدى
وتكەن جىلى اكادەميك, سەناتور عاريفوللا ەسىمنىڭ باستاماسىمەن پاۆلودار وبلىسىنىڭ اققۋلى اۋىلىندا حاكىم اقىننىڭ تۋعان كۇنىندە ونىڭ مىستان قۇيىلعان تاماشا ەسكەرتكىشى ورناتىلعان ەدى.
سول جولى الىپ اقىننىڭ تۋعان كۇنى مۇندا جىل سايىن اتاپ وتىلەتىندىگى قاداپ ايتىلعان بولاتىن. ايتقانداي-اق, وتكەن جەكسەنبى كۇنى اققۋلىدا «اباي كۇنى» وتكىزىلدى. وعان استانادان عاريفوللا ەسىم, ءادىل احمەتوۆ, ەرمەك جۇماباەۆ سىندى سەناتورلار ارنايى كەلىپ قاتىسىپ, اقىن تۋرالى, ەگەمەن ەلدىڭ جارقىن بولاشاعى تۋرالى سىندارلى ءسوز قوزعادى.
بۇدان كەيىن «اباي وقۋلارى» دەگەن تاقىرىپپەن بايقاۋ وتكىزىلدى. وعان پاۆلودارمەن بىرگە, شىعىس قازاقستان وبلىسىنان, ءتىپتى, كورشىلەس رەسەي ەلىنىڭ التاي ولكەسىنەن دە قانداستارىمىز كوپتەپ قاتىستى. بايقاۋ بارىسىندا اباي ولەڭدەرى مەن اندەرى, سونىمەن بىرگە قاراسوزدەرى دە مولىنان ورىندالدى. مازمۇندى وتكەن بايقاۋدىڭ قازىلار القاسىنا سەمەيدەگى ابايدىڭ رەسپۋبليكالىق قورىق مۇراجايىنىڭ ديرەكتورى, عالىم جاندوس اۋباكىر باسشىلىق جاسادى. بايقاۋ جەڭىمپازدارى ماداقتاما قاعازدارى جانە اقشالاي سىيلىقتارمەن ماراپاتتالدى.
داۋلەت سەيسەن ۇلى,
جۋرناليست.
