«وزەنمۇنايگاز» اق قاراستى بۇرعىلاۋ جۇمىستارى باسقارماسىندا 700 ورىندىق تۇرمىستىق-شارۋاشىلىق كەشەن پايدالانۋعا بەرىلدى.
«وزەنمۇنايگاز» اق قاراستى بۇرعىلاۋ جۇمىستارى باسقارماسىندا 700 ورىندىق تۇرمىستىق-شارۋاشىلىق كەشەن پايدالانۋعا بەرىلدى.
– 2009 جىلدان بەرى وزەن كەن ورنى جاڭا الەۋمەتتىك نىساندارمەن ۇزدىكسىز تولىعىپ كەلەدى. وسى جىلى دا كومپانيا الەۋمەتتىك قۇرىلىستىڭ بارىنشا قارقىندى ىسكە اسۋىنا جول اشىپ وتىر. بۇرعىلاۋ جۇمىستارى باسقارماسىندا پايدالانۋعا بەرىلىپ وتىرعان ءزاۋلىم تۇرمىستىق-شارۋاشىلىق كەشەن وسى باعىتتاعى ىستەرىمىزدىڭ ءبىرى عانا. باسقارما ۇجىمىنا ىزگى تىلەگىمدى بىلدىرەمىن. جاڭا نىسان يگىلىكتەرىڭىزگە جاراسىن, دەدى نىساننىڭ اشىلۋ سالتاناتىندا «وزەنمۇنايگاز» اق باس ديرەكتورى ماقسات يباعاروۆ.
راسىندا, وزەن كەن ورنىندا جۇمىس ىستەيتىندەرگە ارناپ اشىلىپ جاتقان ءتۇرلى نىساندار تۋرالى گازەت بەتىندە تۇراقتى جاريالاپ كەلەمىز.
قۇرىلىستى جۇرگىزگەن مەردىگەر «سست» جشس-ءى تابىستاعان بۇل تۇرمىستىق-شارۋاشىلىق كەشەندە جابدىقتالعان كيىم اۋىستىرۋ بولمەلەرى, دۋش كابينالارى جانە تىنىعۋ بولمەلەرى بار. بۇدان باسقا باسقارما اۋماعىندا اۆتوكولىك قويۋعا ارنالعان بوكستىڭ, جوندەۋ شەبەرحاناسىنىڭ عيماراتتارى سالىنۋدا. جىل سوڭىنا دەيىن باسقارمانىڭ اكىمشىلىك عيماراتى پايدالانۋعا بەرىلەدى دەپ كۇتىلۋدە. «ءبىز بۇل نىساننىڭ اشىلۋىن اسىعا كۇتتىك. شىنىمىزدى ايتساق, جاڭادان قۇرىلعان باسقارمادا بوي كوتەرگەن بارلىق نىسان ءبىز ءۇشىن وتە ىستىق كورىنەدى. ۇجىمداستارىما يگىلىگىمىزگە بەرىلىپ وتىرعان جاڭا كەشەن قۇتتى بولسىن, ارقاشان قۋانىشتارىمىز كوپ بولسىن» دەيدى جاڭا نىساننىڭ لەنتاسىن قيعان باسقارما جۇمىسشىسى, ەڭبەك وزاتى جاڭاباي قويلىباەۆ.
جەمىستى جۇمىسقا جايلى جاعداي باستايدى. وزەن كەن ورنىندا سوڭعى كەزدەرى بىرىنەن سوڭ ءبىرى اشىلا باستاعان جاڭا عيماراتتار لەگى – وسى ماقساتقا باستايتىنى انىق.
گۇلايىم شىنتەمىرقىزى,
«ەگەمەن قازاقستان».
ماڭعىستاۋ وبلىسى.
