رۋحانيات • 24 اقپان، 2020

الماتىلىق ۇستاز ۇلتتىق قۇندىلىقتاردى ۇلىقتاۋدىڭ تىڭ ءادىسىن جاسادى

213 رەتكورسەتىلدى

قازاق ۇلتتىق قىزدار پەداگوگيكالىق ۋنيۆەرسيتەتىنىڭ اعا وقىتۋشىسى ۇلجان الاشاباەۆا قازاقتىڭ ۇلتتىق مادەنيەتىن ساقتاۋعا جانە دامىتۋعا باعىتتالعان جوبانى جۇزەگە اسىرۋدا.

سونداي-اق ونىڭ قاناتقاقتى يدەياسى كورۋ قابىلەتى ناشار جانە سوقىر بالالاردىڭ تانىم كوكجيەگىن ارتتىرۋ ارقىلى قوعامعا بەيىمدەلۋىنە باعىتتالعان.

قىزدار ۋنيۆەرسيتەتى وقىتۋشىسىنىڭ جوباسى قر تۇڭعىش پرەزيدەنتى – ەلباسى قورى مەن قازاقستاننىڭ ىسكەر ايەلدەر قاۋىمداستىعى ۇيىمداستىرعان «قايىرىمدىلىق كەرۋەنى» رەسپۋبليكالىق كونكۋرسىندا ۇزدىك دەپ تانىلدى.

«اسار» نوميناتسياسى بويىنشا ۇزدىك اتانعان ۇلجان الاشاباەۆاعا جارىستىڭ ەڭ جوعارى ناگراداسى – ءبىرىنشى دارجەلى مەدالدى قازاقستان رەسپۋبليكاسى پارلامەنتى سەناتىنىڭ ءتورايىمى، اتالعان قوردىڭ ديرەكتورى داريعا نازارباەۆا تابىستادى.

ەكىنشى جىل قاتارىنان ۇيىمداستىرىلىپ كەلە جاتقان جوبانىڭ ماقساتى – قايىرىمدىلىق يدەيالارىن كەڭىنەن دارىپتەۋ، بەلسەندى ازاماتتىق باستامالاردى دامىتۋ.

ۇيىمداستىرۋشىلاردىڭ ايتۋىنشا، بايقاۋعا رەسپۋبليكا بويىنشا باتىل، قايىرىمدى، جىگەرلى جاندار قاتىستى. بىلتىر تامىز ايىنان باستاپ ەلىمىزدىڭ بارلىق وڭىرىندە وسىنداي ادامداردى انىقتاۋ جانە ىرىكتەۋ جۇمىستارى جۇرگىزىلگەن. وسىمەن ەكىنشى جىل قاتارىنان وتكىزىلىپ وتىرعان بايقاۋعا قاتىسۋشىلار الەۋمەتتىك، قوعامدىق پروبلەمالاردى شەشۋگە ءارى جومارتتىعىمەن باسقالاردى مەيىرىمدىلىككە ىنتالاندىرۋعا ۇلەس قوسىپ جۇرگەن ازاماتتار.

1

جيىن بارىسىندا داريعا نازارباەۆا بايقاۋدىڭ ماڭىزدىلىعىن اتاپ ءوتىپ، قايىرىمدىلىق، مەيىرىمدىلىك، جاناشىرلىق سياقتى قۇندىلىقتار قاشاندا حالقىمىزعا ءتان قاسيەتتەر ەكەندىگىن تىلگە تيەك ەتتى.

– بايقاۋ جەڭىمپازدارىن ىزدەۋ بارىسىندا ءبىزدىڭ جوبانىڭ جۇمىس توبى سان ءتۇرلى عاجاپ ادامدارمەن كەزدەستى. ولاردىڭ اراسىندا كاسىپكەر-مەتسەنات، ۇكىمەتتىك ەمەس ۇيىم وكىلدەرى، مۇعالىمدەر، فەرمەرلەر، دارىگەرلەر، زەينەتكەرلەر، ستۋدەنتتەر جانە ءتىپتى، مەكتەپ وقۋشىلارى بار. جىل ساناپ سايىسقا قاتىسۋشىلاردىڭ قاتارى ارتىپ كەلە جاتقانىنا وتە قۋانىشتىمىز. ەگەر العاشقى «قايىرىمدىلىق كەرۋەنى» بايقاۋىنا 97 قاتىسۋشى قاتىسسا، بۇگىندە 231 ادام باق سىناپ وتىر. بارىڭىزگە نەمقۇرايلى بولماي، پاتريوتيزم، جاۋاپكەرشىلىك پەن مەيىرىمدىلىك تانىتقاندارىڭىز ءۇشىن العىس ايتقىم كەلەدى. سىزدەردىڭ ارقايسىلارىڭىز بىزگە، اسىرەسە جاس ۇرپاققا ۇلگى-ونەگەسىزدەر! – دەدى داريعا نازارباەۆا.

ايتا كەتەيىك، جوبانى قورىتىندىلاۋ بارىسىندا بەس نوميناتسيا بويىنشا كونكۋرس جەڭىمپازدارىنىڭ ەسىمدەرى جاريالانىپ، ولارعا I، II جانە III دارەجەلى مەدالدار، سونداي-اق «وقجەتپەس» شيپاجايىنا جولدامالار مەن اقپاراتتىق سەرىكتەستەر «حابار» اگەنتتىگى مەن «كتك» تەلەارناسىنىڭ سىيلىقتارى  تاپسىرىلدى.

 

جاندار اسان،

قازاق ۇلتتىق قىزدار پەداگوگيكالىق ۋنيۆەرسيتەتىنىڭ

ءباسپاسوز جانە قوعاممەن بايلانىس ءبولىمىنىڭ باسشىسى

سوڭعى جاڭالىقتار

ەلدىك نىشاندار تاريحى

قازاقستان • كەشە

ۇقساس جاڭالىقتار