بۇگىن وڭتۇستىك قازاقستان وبلىسىنىڭ ورتالىعى – شىمكەنت قالاسىندا ءشامشى قالدىاياقوۆقا ارنالعان «ارىس جاعاسىندا» اتتى IV رەتروفەستيۆال باستالادى. ونىڭ اياسىندا سونداي-اق اتاقتى سازگەر اندەرىن ورىنداۋشىلاردىڭ «مەنىڭ قازاقستانىم» اتتى وبلىستىق كونكۋرسى دا وتەدى. بۇل تۋرالى «يۋجنىي كازاحستان» گازەتى حابارلادى.
تاڭەرتەڭ فەستيۆالعا قاتىسۋشىلار ۇلى كومپوزيتوردىڭ ءومىرى مەن شىعارماشىلىعىنا قاتىستى ەكسپوناتتار قويىلعان وبلىستىق مۇراجايدا بولدى. سودان كەيىن وبلىستىق فيلارمونيا عيماراتىندا بولىپ, جۋرناليستەرمەن كەزدەستى. ال ءتۇس قايتا كونكۋرسقا قاتىسۋشىلاردىڭ جەرەبەسى وتەدى. كەشكە قاراي قالاداعى «ءشامشى الەمى» سكۆەرىندە جەرگىلىكتى انشىلەردىڭ جانە رەتروفەستيۆالگە كەلگەن قوناقتاردىڭ ورىنداۋلارىنداعى ءان مەن كۇيگە كەزەك بەرىلەدى.
ەرتەڭ, 15 تامىز كۇنى وبلىستىق فيلارمونيا ۇيىندە ەكى تۋردان تۇراتىن «مەنىڭ قازاقستانىم» ءان فەستيۆالى قانات جايادى. ول تۇسكە دەيىنگى جانە تۇستەن كەيىنگى كەزەڭدەر بويىنشا بولىنەدى. وسى كۇنى كەشكە فەستيۆال جەڭىمپازدارى مەن جۇلدەگەرلەرىنىڭ قاتىسۋىمەن گالا-كونتسەرت كورسەتىلەدى.
مۇرات ايتقوجا.
