2013 جىلعى 28 مامىراستانا قالاسى
مونوپوليالىق جوعارى باعانى انىقتاۋ جونىندەگى ادىستەمەنى بەكىتۋ تۋرالى
2013 جىلعى 28 مامىراستانا قالاسى
مونوپوليالىق جوعارى باعانى انىقتاۋ جونىندەگى ادىستەمەنى بەكىتۋ تۋرالى
«باسەكەلەستىك تۋرالى» قازاقستان رەسپۋبليكاسى زاڭىنىڭ 39-بابىنىڭ 16) تارماقشاسىنا سايكەس بۇيىرامىن:
1. قوسا بەرىلىپ وتىرعان مونوپوليالىق جوعارى باعانى انىقتاۋ جونىندەگى ادىستەمە بەكىتىلسىن.
2. قازاقستان رەسپۋبليكاسى باسەكەلەستىكتى قورعاۋ اگەنتتىگىنىڭ (مونوپولياعا قارسى اگەنتتىك) (بۇدان ءارى – اگەنتتىك) تەرگەۋ دەپارتامەنتى ء(ا.ن. حاتيەۆ) مەن اگەنتتىكتىڭ زاڭ قىزمەتى دەپارتامەنتى (ا.م. قاناپين) وسى بۇيرىقتىڭ زاڭنامادا بەلگىلەنگەن تارتىپپەن قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن جانە رەسمي جاريالانۋىن قامتاماسىز ەتسىن.
3. اگەنتتىكتىڭ اكىمشىلىك دەپارتامەنتى (ق.م. قالدىقاراەۆ) وسى بۇيرىقتى اگەنتتىكتىڭ قۇرىلىمدىق جانە اۋماقتىق بولىمشەلەرىنىڭ نازارىنا جەتكىزسىن.
4. وسى بۇيرىقتىڭ ورىندالۋىن باقىلاۋ اگەنتتىك توراعاسىنىڭ ورىنباسارى ءا.ب. ماتىشەۆكە جۇكتەلسىن.
5. وسى بۇيرىق العاشقى رەسمي جاريالانعان كۇنىنەن باستاپ قولدانىسقا ەنگىزىلەدى.
توراعا ب.قۋاندىقوۆ
قازاقستان رەسپۋبليكاسى باسەكەلەستىكتى قورعاۋ اگەنتتىگى
(مونوپولياعا قارسى اگەنتتىك) توراعاسىنىڭ
2013 جىلعى 28 مامىرداعى № 140 – نق بۇيرىعىمەن بەكىتىلگەن
مونوپوليالىق جوعارى باعانى انىقتاۋ جونىندەگى ادىستەمە
1. مونوپوليالىق جوعارى باعانى انىقتاۋ جونىندەگى ادىستەمە (بۇدان ءارى – ادىستەمە) «باسەكەلەستىك تۋرالى» 2008 جىلعى 25 جەلتوقسانداعى قازاقستان رەسپۋبليكاسىنىڭ زاڭىنىڭ 39-بابىنىڭ 16) تارماقشاسىنا (بۇدان ءارى – زاڭ) سايكەس ازىرلەندى.
وسى ادىستەمەنىڭ ماقساتى ءتيىستى تاۋار نارىعىندا ۇستەم نەمەسە مونوپوليالىق جاعدايعا يە نارىق سۋبەكتىسى (بۇدان ءارى – سۋبەكت) بەلگىلەيتىن مونوپوليالىق جوعارى باعانى انىقتاۋ ءتارتىبىن ايقىنداۋ بولىپ تابىلادى.
2. وسى ادىستەمە مونوپوليالىق جوعارى باعانى بەلگىلەۋدەن كورىنەتىن ۇستەم نەمەسە مونوپوليالىق جاعدايدى تەرىس پايدالانۋ بولىگىندە قازاقستان رەسپۋبليكاسىنىڭ مونوپولياعا قارسى زاڭناماسىنىڭ بۇزىلۋى انىقتالعان كەزدە قولدانىلادى.
3. وسى ادىستەمەدە قولدانىلاتىن ۇعىمدار مەن تەرميندەر قازاقستان رەسپۋبليكاسىنىڭ زاڭدارىندا انىقتالاتىن ماعىنالاردا پايدالانىلادى.
4.مونوپوليالىق جوعارى باعانى بەلگىلەۋ تۋرالى مالىمەتتەردى قاراۋ شەڭبەرىندە مونوپولياعا قارسى ورگان مىناداي ءىس-ارەكەتتەردى جۇرگىزەدى:
1) قازاقستان رەسپۋبليكاسىنىڭ زاڭناماسىنا سايكەس تاۋار نارىعىندا باعالاردى مەملەكەتتىك رەتتەۋدىڭ بولۋ فاكتىسىن بەلگىلەيدى;
2)زاڭدا كوزدەلگەن ءتارتiپپەن ەنگiزiلەتiن, باسەكەلەستiك نارىقتا قانداي دا بiر تاۋاردى ءوندiرۋگە, وتكiزۋگە نەمەسە ساتىپ الۋعا ارنالعان مەملەكەتتiڭ ايرىقشا قۇقىعى بولۋ فاكتىسىن بەلگىلەيدى (مەملەكەتتiك مونوپوليا);
3) نارىق سۋبەكتىسىنىڭ ۇستەم نەمەسە مونوپوليالىق جاعدايعا يە نارىق سۋبەكتىلەرىنىڭ مەملەكەتتىك تىزىلىمىندە (بۇدان ءارى – ءتىزىلىم) بولۋ فاكتىسىن كۋالان دىرادى;
4) تىزىلىمگە ەنگىزىلگەن نارىق سۋبەكتىسىنىڭ ۇستەم ۇلەسىن بەلگىلەيدى.
5. وسى ادىستەمەنىڭ 4-تارماعىنىڭ 1), 2), 3) تارماقشالارىندا كوزدەلگەن تالاپتاردىڭ بىرەۋى بەلگىلەنبەگەن جاعدايدا, مونوپوليالىق جوعارى باعانى بەلگىلەۋ تۋرالى تەرگەۋ جۇرگىزىلمەيدى.
6. مونوپولياعا قارسى ورگان تاۋار نارىعىنا تالداۋ جۇرگىزگەننەن جانە سۋبەكتىنى تىزىلىمگە ەنگىزگەننەن كەيىن, نارىق سۋبەكتiسiنiڭ, مونوپولياعا قارسى زاڭناماسىن بۇزۋشىلىق بەلگiلەرiنiڭ بولۋىن كورسەتەتiن ناقتى دەرەكتەر بولعان جاعدايدا زاڭدا بەلگىلەنگەن تارتىپپەن تەرگەۋ جۇرگىزەدى.
7. مونوپولياعا قارسى ورگان مونوپولياعا قارسى زاڭناماسىن بۇزۋشىلىق بەلگiلەرiنiڭ بولۋىن ناقتى دەرەكتەر اڭىقتاۋ ماقساتىندا مىناداي:
1) سۋبەكتىنىڭ وسى بويىنشا سۋبەكتىنىڭ جاعدايى ۇستەم دەپ تانىلعان تاۋار باعاسىنىڭ ءتيىستى جانە سالىستىرمالى تاۋار نارىعىندا باسقا نارىق سۋبەكتىلەرىنىڭ وسىنداي تاۋار باعاسىنان اسىپ ءتۇسۋىن بەلگىلەۋ;
2) ءتيىستى نەمەسە سالىستىرمالى تاۋار نارىعىندا باعانىڭ ءوسۋىنىڭ ءتيىستى قارقىندارىمەن سالىستىرعاندا ول بويىنشا سۋبەكتىنىڭ جاعدايى ۇستەم دەپ تانىلعان تاۋار باعاسىنىڭ ءوسۋ قارقىنىنىڭ اسىپ ءتۇسۋ;
3) فيزيكالىق سيپاتىن (مىسالى, تاۋار ءبىرلىگىنىڭ سالماعىن) تومەندەتۋ ارقىلى وسى بويىنشا سۋبەكتىنىڭ جاعدايى ۇستەم دەپ تانىلعان تاۋار باعاسىنىڭ كوتەرىلۋ;
4) ءوندىرۋ جانە بەرۋ مۇمكىندىگى بولعان كەزدە تۇتىنۋشىلاردىڭ سۇرانىسى نەمەسە تاپسىرىستارى بار تاۋارلاردى ءوندىرۋ جانە (نەمەسە) بەرۋ كولەمىن نەگىزسءىز قىسقارتۋ نەمەسە ءوندىرۋدى جانە (نەمەسە) بەرۋدى توقتاتۋ;
8. ۇستەم ۇلەسى 90 پايىز جانە ودان استام سۋبەكتىلەر ءۇشىن مونوپولياعا قارسى ورگان قوسىمشا مونوپوليالىق جوعارى باعانىڭ مىناداي:
1) سۋبەكتىنىڭ تاۋارى بىرلىگىنىڭ وندىرىستىك وزىندىك قۇنىنىڭ وسىمىنەن كەزەڭ شىعىستارى ءوسىمىنىڭ اسىپ ءتۇسۋى;
2) سۋبەكتىنىڭ وندىرىستىك پەرسونالى جالاقىسىنىڭ ءوسۋ قارقىنىمەن سالىستىرعاندا اكىمشىلىك پەرسونال جالاقىسىنىڭ ءوسۋ قارقىنىنىڭ ۇلعايۋى;
3) سۋبەكتىدە سالا نەمەسە ءوڭىر بويىنشا ورتاشا ايلىق جالاقىدان ورتاشا ايلىق جالاقى دەڭگەيىنىڭ اسىپ ءتۇسۋى بەلگىلەرىن انىقتاۋ ماقساتىندا تاۋاردى ءوندىرۋدىڭ (وتكىزۋدىڭ) وزىندىك قۇنىنا جانە رەنتابەلدىلىگىنە تالداۋ جۇرگىزەدى.
9. نارىق سۋبەكتiسiنiڭ, مونوپولياعا قارسى زاڭناماسىن بۇزۋشىلىق بەلگiلەرiنiڭ بولۋىن كورسەتەتiن ناقتى دەرەكتەر بولعان جاعدايدا مونوپولياعا قارسى ورگان تەرگەۋ جۇرگiزۋ تۋرالى بۇيرىق شىعارادى.
10. تەرگەۋ جۇرگىزۋ كەزىندە سۋبەكتىنىڭ مونوپوليالىق جوعارى باعانى بەلگىلەۋ جونىندەگى ءىس-ارەكەتتەرىن راستايتىن فاكتىلەردىڭ بولۋىن بەلگىلەۋ قاجەت.
11. ەگەر سۋبەكتىنىڭ ۇستەم ۇلەسى 90 جانە ودان استام پايىزدى قۇراعان, سونداي-اق سالىستىرمالى تاۋار نارىعى بولماعان جاعدايدا مونوپوليالىق جوعارى باعانى ايقىنداۋ ادىستەمەنىڭ 15-تارماعىنا سايكەس جۇرگىزىلەدى.
12. سالىستىرمالى تاۋار نارىعىن انىقتاۋ مىناداي ولشەمدەر بويىنشا جۇزەگە اسىرىلادى:
1) ساتىلاتىن تاۋاردىڭ كولەمى;
2) تاۋاردى ساتىپ الۋشىلار نەمەسە ساتۋشىلار (بەرۋشىلەر) قۇرامى;
3) تاۋار نارىعىنا قولجەتىمدىلىك شارتتارى;
4) ءوندىرۋ جانە سالىق سالۋ شارتتارى;
5) باسەكەلەستىكتىڭ دامۋ دەڭگەيى.
13. مونوپولياعا قارسى ورگان ءتيىستى تاۋار نارىعىنداعى تاۋاردىڭ باسەكەلەس باعاسىن ايقىندايدى.
بۇل رەتتە باسەكەلەستىك جاعدايدا سۋبەكتىمەن ءبىر تۇلعالار توبىنا كىرمەيتىن نارىق سۋبەكتىلەرى بەلگىلەيتىن, وسى تاۋار نارىعىنداعى تاۋاردىڭ ەڭ جوعارى باعاسى تاۋاردىڭ باسەكەلەس باعاسى بولىپ تابىلادى. بۇل رەتتە, زاڭنىڭ 6-بابىنىڭ 2) تارماقشاسىندا كوزدەلگەن تالاپتارعا سايكەس كەلەتىن نارىق سۋبەكتىلەرىن ەسكەرۋ قاجەت.
ناق سول تاۋار نارىعىنداعى باسەكەلەس باعانى بەلگىلەۋ مۇمكىن بولماعان جاعدايدا, سالىستىرمالى تاۋار نارىعىنداعى, ونىڭ ىشىندە قازاقستان رەسپۋبليكاسىنىڭ شەگىنەن تىس جەرلەردەگى سالىستىرمالى تاۋار نارىعىنداعى تاۋار باعاسىمەن سالىستىرۋ جۇرگىزىلەدى.
باسەكەلەس با
